Matthew 2:2 - Sa Ugud Apudyus

² Dummatongda ḵad, ḵanandae nan-imus, “Dinu abenge niyanaḵe arin da Judyu? Te innilani bituwone tummoḵwaḻ si ḵapon si dumingitan inite angipaigammu si niyanaḵana, pun ummali ḵani ta inḵani andayaw ḵan siya.”

Matthew 2:2 Referans Kwoze

Revelation 22:16

Ḵanana bos, “Saḵon aḵ Jesus we nangibuun si anghelḵu'ḵ anaḵdoḻ si ḵatuttuwaan da anna ḵan diḵayu ta ipaigammuyu'tta gimung da namati. Saḵon ganaḵ Ari David we nipadtu si awe ya nangadanan aḵ ambigattone sa ampigsa silawna.”

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

Hebrews 1:6

Anna ḵade madam-an angibuunan Apudyus si annae lubung atte Abengna we anna saadna'tta losane isun di panguḻu, ḵanana, “Ḵasapuḻane losan atta anghel Apudyus analluḵudae andayaw ḵan siya.”

Luke 23:38

Inninggaw os nigili'tte lap-at ni uḻuwan Jesus we ḵanana, “Annaya Arin da Judyu.”

Luke 23:3

Pun ḵanan Pilate we nan-imus ḵan Jesus, “Siḵa ḵamman Arin da Judyu?” Ḵanan Jesus, “Ustu imbagam.”

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

Luke 19:38

Ḵananda, “Madaydayaw oḵyan Ari ye umali ye imbuun Apudyus! Lin-awa'd langit. Madaydayaw aḵ Apudyus we ḵangatuwan!”

Luke 2:11

Te ḵan diḵayu niyanaḵ sinsadi ye labi sina'tte ili ye niyanaḵan Ari David, aḵ Kristu we Apu.

John 9:38

Ḵanan ni laḻaḵi, “Apu, amatiyaḵ.” Pun nanalluḵu we nandayaw ḵan Jesus.

John 19:19

Inninggaw os impaigilin Pilate we impaiggana'tte kros Jesus we ḵanana, “Jesus we iNazareth, Arin da Judyu.”

John 12:13

Ḵingwada ḵad, nangaḻada'tta baing woḵ lummawada ta umoyda aboton. Ḵanandae nanugtug-uy, “Madaydayaw aḵ Apudyus! Madaydayaw oḵyan umali ye imbuun Apudyus we Ari taḵu we ganaḵ Israel!”

Matthew 27:11

Aḵ Jesus ḵad, summiḵad atte sinagung Gobernor Pilate woḵ ḵanan gobernor we nan-imus ḵan siya, “Siḵa ḵamman Arin da Judyu?” Ḵanan Jesus we summongbat, “Siya imbagam.”

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

Matthew 21:5

“Ibagayu'tta tagu'd Jerusalem, ‘Annat Ariyu we umali ḵan diḵayu we impakumbabana long-agnae nangabayu si ubbun ni donkey.’ ”

Matthew 2:3

Dingngoḻ ḵad Ari Herod sana, amoamod ḵimutna ya isuna bos atta losane iJerusalem.