Matthew 2:13 - Sa Ugud Apudyus

¹³ Napuswidda ḵad, baag-en nampaila anghel Apudyus ḵan Joseph atte in-inop woḵ ḵanana, “Bumangonḵa! Aḻam da an-ina ta umawid ḵayu'd Egypt. Ḵad inggaw ḵayu sidi inggana'ḵ ibagaḵ te annat da ibuun Ari Herod we angngit si abeng ta pagongatna.”

Matthew 2:13 Referans Kwoze

Acts 12:11

Pune sadi nan-imonga ḵad aḵ Peter ḵanana, “Tuttuwa pagaye imbuun Apudyus anghelna'ḵ nangiligsi ḵan saḵon ta adiyaḵ gongaton ḵan Herod ya adi mituttuwa da losane ninamnaman da Judyu we ḵoonda ḵan saḵon.”

Acts 10:7

Ummoyon ḵad anghel, inayagan Cornelius da duwae sammiluna ya sa osae suḻdadu we naapudyusan ya anserserbi ḵan siya.

Acts 5:19

Yaḵon lummabi ḵad, binuḵtan ni anghel Apu onob ni babaḻḻudan woḵ illawana dida woḵ ḵanana,

Matthew 2:12

Pune sadi, impain-inop Apudyus ḵan dida woḵ binilinna dida ta adida ogon mipauli ḵan Ari Herod. Pun siya innoyda sabali ye daḻane mipauli'tte ilida.

Matthew 1:20

Sinomsomoḵna ḵad mipanggob si sana, baag-en nampaila ḵan siya anghel Apudyus si in-inop woḵ ḵanana, “Siḵa Joseph we ganaḵ Ari David, adiḵa maḵimute angiḵamboḻoy ḵan Mary te sa bugina mipagapu si ḵabooḻan ni Ispiritu Santu.

Matthew 2:16

Inigammun ḵad Ari Herod we siniḵapan da nalalainge tagu, amod de sangana. Pune sadi, imbilinnae magongat da losane abenge laḻaḵi ye duwan tawon ya da daampun aḵ anduwantawon ad Bethlehem ya da nampaliḵwose ili. Te nibatay si dingngoḻna'tta nalalainge nampail-an ni bituwon.

Revelation 12:14

Yaḵon sa bubai ḵad, naittan aḵ duwae danaḵḵoḻe payaḵ di buḵaw ta lamogna tumayap atte bumbummaaw aḵ inggawana si tuḻun tawon ya gogwa ta matangḵonan ya miligsi'tte uḻoge dragon.

Acts 16:36

Pun ḵanan ni guwaḻda ḵan Paul, “Imbagan da opisyal ad Rome we paoyononni diḵayu ḵan Silas. Inḵayun lumin-awa da somsomoḵyu.”

Acts 10:22

Ḵananda, “Aḵ Kapitan Cornelius nangibuun ḵan diḵani'ḵ angayag ḵan siḵa te imbagan ni anghel Apudyus we ayagana siḵa ta dongngona da ibagam. Siya ḵad naun-unan ya isipogna'ḵ Apudyus ya mapatgan atta losane Judyu.”

Acts 7:19

Sa sadi ye ari, siniḵasiḵapana da danaḵḵoḻ taḵu woḵ pinaḵaḻamna didae impatutna impaiballu da uttinge laḻaḵi ta matoyda.

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Revelation 12:6

Sa bubai ḵad ummawid atte bumbummaawe insaganan Apudyus aḵ inggawana ta matangḵonan sidi'ḵ sillibu ya duwanggasut ya onompuḻu we aḻgaw.

Revelation 12:4

Iwwasiwas ḵad ni dragon ipusna, niballu inḵaḵlun da bituwon ad langit atte luta. Pun tummaḵdog si sinagung ni bubai ye umaannaḵ ta ḵanona abengnae mibuḵnag.

Matthew 2:22

Dingngoḻ ḵad Joseph we aḵ Archelaus we abeng Ari Herod nipasani ye Ari'tte probinsiya'd Judea, maḵimute mipauli'd Judea. Nagangput ḵad nabagbagaan si in-inop, ummoyda si probinsiya'd Galilee woḵ bummoḻoyda si ili'd Nazareth. Naḵwa ḵaḵna ta sa Ugud Apudyus atta profetana mituttuwae ḵanana, “Mangadanan aḵ iNazareth.”

Matthew 2:14

Pun nabaliḵusu'ḵ Joseph woḵ innaḻana da an-ina woḵ ummoyonda'd Egypt si sadi ye labi.

Acts 12:7

Baag-en nampaila anghel Apu woḵ nasilawan kuwartu we inggawan Peter. Pineḵpeḵ ni anghel aḵ Peter we namangon woḵ ḵanana, “Ganasom! Bumangonḵa!” Pun daguse naottag da ḵawad ni imana.