Matthew 19:27 - Sa Ugud Apudyus

²⁷ Pun ḵanan Peter, “Ilam Apu, tinenanni da losan ta ambalin ḵani'ḵ disipulum. Pun ngai maganabni?”

Matthew 19:27 Referans Kwoze

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

Luke 5:11

Pun intaḵdangda da bangkada'tte taḻantag woḵ tinenanda da losan ta mitun-udda ḵan Jesus.

Luke 18:28

Ḵanan Peter, “Ilam, tinenanni da boḻoyni ta ambalin ḵani'ḵ disipulum.”

Luke 15:29

Yaḵon ḵananae summongbat, ‘Pigan tawone nanḵewaaḻaḵe isun da musassum ḵad tinuttuwaḵ losan da bilinnu. Yaḵon adiḵapun paat nangitod taḵon ay ubbun di kalding ta awad pay oḵyan naḵagangganasaḵ atta buḻbuḻunḵu.

Mark 10:28

Ḵanan Peter, “Ngai inonni nu? Te tinenanni da losan ta ambalin ḵani'ḵ disipulum.”

Mark 2:14

Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya.

Luke 14:33

Pun ḵaḵnat os ḵan diḵayu nu pionyu we ambalin aḵ disipuluḵ, ḵasapuḻane tenanyu da losane awad ḵan diḵayu.”

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

1 Corinthians 1:29

Ḵingwan Apudyus ḵatti ta naippun tagu'ḵ ansoḵaḻ atte sinagungna.

Matthew 19:26

Yaḵon sa nangitotollongan Jesus ḵan dida ḵanana, “Da tagu ḵad, naippun paat ḵallamog. Yaḵon ḵan Apudyus, lamogna ḵoon da ngaiman.”

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.