Matthew 19:23 - Sa Ugud Apudyus

²³ Pune sadi ḵanan Jesus atta disipuluna, “Ibagaḵ ḵan diḵayu ḵatuttuwaan, anḵamnuḵamnut midog-an da babaḵnang si ampangatan Apudyus.

Matthew 19:23 Referans Kwoze

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Mark 10:23

Pun nallangḻanga'ḵ Jesus atta disipuluna woḵ ḵanana, “Anḵamnut midog-an da babaḵnang si ampangatan Apudyus.”

Luke 18:24

Innilan ḵad Jesus we andadauy ḵanana, “Anḵamnut midog-an da babaḵnang atte ampangatan Apudyus.

1 Corinthians 1:26

Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

James 2:6

Yaḵon diḵayu ḵad, ibabbainyu da ḵapus. Daḵampun ḵamman atta babaḵnang da amaḵaḻam ḵan angidaḻum ḵan diḵayu?

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 19:22

Dingngoḻ ḵad ni sanae laḻaḵi imbagan Jesus, ummoyone andadauy te baḵnabaḵnang.