Matthew 18:7 - Sa Ugud Apudyus

⁷ Ḵaddagu da tagu si annae lubunge ippun adi nansabasabali ye sulisuge maḵabasuḻanda. Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

Matthew 18:7 Referans Kwoze

Luke 17:1

Ḵanan Jesus atta disipuluna, “Gagangaye dumatong sulisug atta namati yaḵon ḵaddagu tagu we gapun da sanae maḵabasuḻan.

1 Corinthians 11:19

Te ḵasapuḻan daddasig ḵan diḵayu ta mimatunan da gattoḵ da pammatida.

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Titus 2:8

Ilam os ta sa ituttudum, ustuustu ta adi oḵyan maamsew. Te nu ḵoom ḵaḵna, mabainan da sumullagi ḵan dita te adipun maḵwae an-ugudda'ḵ lawweng atte mipanggob ḵan dita.

Titus 2:5

Tupodonda oḵyan da long-agda ya ambaḻu oḵyan da ugalida. Ḵasapuḻan ose ummanda uḻnuson boḻoyda, naanusda'tta udum ya paiturayda'tta asawada. Te nu unudonda da annae ugali, adipun maamsew Ugud Apudyus.

1 Timothy 6:1

Losane musassu we namati, ḵasapuḻane patgandae ustu da ap-apuda ta ippun ḵadellawan ni ngadan Apudyus ya sa annae tuttudu taḵu.

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

Mark 13:7

Ḵad nu dongngonyu we awad gubat atta adani ḵan adayu we ili, adi ḵayu umogyat te ḵasapuḻane maḵwa da sana. Yaḵon daampun yan anungus ni lubung.

Matthew 16:23

Yaḵon nansagung aḵ Jesus woḵ ḵanana, “Ḵumunudḵa Satan! Tumupodḵa ḵan saḵon. Te sa somsomoḵnu, daḵampun si pinion Apudyus yaḵon sa pion da tagu.”