Matthew 18:3 - Sa Ugud Apudyus

³ woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 18:3 Referans Kwoze

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

Matthew 19:14

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

Luke 13:24

“Iggayu ḵabooḻanyu we lumnoḵ atte ansuḻpite lewangan ad langit atte sissiyae anna gundawayyu. Te dumatong timpu we iyonob ni simboḻoy lewangan ya amod da angipadas lumnoḵ yaḵon annaya ibagaḵ ḵan diḵayu we ippun maḵaḻnoḵ. Taḵon ay nu asi ḵayu anḵugḵug ya ḵananyu, ‘Apu, buḵtam ud lewangan ta lumnoḵ ḵani.’ Asina ḵanan, ‘Ippun igammuḵ ḵan diḵayu ya sa naḻpuwanyu.’

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Acts 28:27

Te da sanae tagu, tummungitong da somsomoḵda. Antuḻtullongda'tte ḵatuttuwaan ya ḵimitonda da atada. Uni ḵad ya maḵwae maḵailada, maḵadongoḻda ya maḵaawatda. Ḵad nu ansinagungda ḵan saḵon ḵaanoḵ da saḵitda.’

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Luke 22:32

Yaḵon illuwaḻuwaḵ siḵa Simon ta adi pammatim maabaḵ ḵad nu ansagungḵa ḵan saḵon, ḵasapuḻane papigsaom oḵyan pammatin da susunudnu we namati.”

Mark 4:12

ta taḵon ay nu iillanda, adidapun maḵaimatun ya taḵon ay nu dodongngonda, adidapun maawatan. Te nu maawatanda, ambabawida nin atta basuḻda ta ansinagungda ḵan Apudyus ya mapakawanda. Siya gapunae ipaniḵe antuttudu ḵan dida.”

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

Matthew 19:23

Pune sadi ḵanan Jesus atta disipuluna, “Ibagaḵ ḵan diḵayu ḵatuttuwaan, anḵamnuḵamnut midog-an da babaḵnang si ampangatan Apudyus.

Matthew 13:15

Te tummungitong da somsomoḵda. Antuḻtullongda ta adida dongngon da ḵatuttuwaan ya ḵimitonda bos da atada ta adida maḵaila, te nu maḵadongoḻda, maḵailada ya maḵaawatda ḵad ansinagungda ḵan saḵon ta pakawanoḵ da basuḻda.’ ”

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 5:18

Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus.

Matthew 18:2

Pun inayagan Jesus abeng woḵ pinasiḵadna si gaggawada

Matthew 18:4

Te ngaimane ipakumbabana long-agnae isun ni annae abeng, siya ḵangatuwan si ampangatan Apudyus.