Matthew 17:5 - Sa Ugud Apudyus

⁵ Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 17:5 Referans Kwoze

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

Matthew 12:18

“Annaya sammiluḵe piniliḵ. Siya ay-ayatoḵ ḵan mas-omaḵ. Ibuunḵu Ispirituḵ ḵan siya ta iwaḻagawagna'tta losane Gentil inon da tagu we maun-unan atte antotollong Apudyus.

Mark 9:7

Pune sadi nannaḵunaḵ libuu ḵan dida pun dingngoḻda gingae naḻpu'tte libuu we ḵanana, “Annaya Abengḵu we ay-ayatoḵ. Dongngonyu da ibagana.”

John 3:35

Te aḵ Ama we Apudyus, ayatona abengna woḵ impuḻangna ḵan siya da losan.

Mark 1:11

Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Luke 3:22

Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

John 5:37

Aḵ Amaḵ we nangibuun ḵan saḵon, tinaḵdoḻanae mismu mipanggob ḵan saḵon yaḵon adiyupun dingngoḻ gingana ḵan innila bosaḻna.

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

Ephesians 1:6

Pun dayawon taḵu'ḵ Apudyus gapu si nakaskasdaawe ḵinabaḻu we pasigna impaila ḵan ditaḵu we niyossaan ḵan Kristu we ay-ayatonae abengna.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

Acts 1:9

Inabus ḵad Jesus imbaga da sana, nipangatu'd langite tatangngadonda inggana'ḵ natalingdan atte libuu.

Matthew 17:6

Dingngoḻ ḵad da disipulu sadi ye ginga, nalluḵbubda si luta te ummamdan ḵimutda.

Revelation 14:14

Naabus ḵad, innilaḵ itaḵe libuu. Ḵad inggaw tummutuḵdu we isuna ḵatollongan ni abeng di tagu we naḻpu'd langite nakoronaan atte buḻawan ya aangdon aḵ antadotadome gagapas.