Matthew 17:3 - Sa Ugud Apudyus

³ Pun baag-en nampaila da Moses ḵan Profeta Elijah ḵan didae maḵaug-uggud ḵan Jesus.

Matthew 17:3 Referans Kwoze

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Mark 9:4

Pune sadi, baag-en nampaila da Moses ḵan Profeta Elijah ḵan didae maḵaug-uggud ḵan Jesus.

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 9:33

Madam-an ḵade tenan da Moses aḵ Jesus, ḵanan Peter ḵan siya, “Apu, atopay baḻun ni annaan taḵu sina. Nu iyunudnu angwa ḵani'ḵ tuḻu we sigay ta ḵuwam osa, ḵuwan Moses osa ya ḵuwan Profeta Elijah osa.” Ippun igammuna si inugudna.

Luke 1:17

Ḵad siya umuna nu aḵ Apu ya itton ni Ispiritu Santu ḵabooḻanae isuna innatodna ḵan Profeta Elijah we profeta we an-uuggudon Apudyus atte awe. Antimpuyugona somsomoḵ da an-amae nansubog ya ipaulina bos da lawwenge tagu ḵan Apudyus ta maun-unan da somsomoḵda. Ḵoona ḵaḵnat ta misaganada'tte dumaḵngan Apu.”

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

Matthew 17:2

Sa nangil-anda ḵan Jesus, nambaliw ḵatollongana. Sa bosaḻna, allangḻange isun di init ya sumilisiling silupna.

Matthew 17:4

Pun ḵanan Peter ḵan Jesus, “Apu, atopay baḻun ni annaan taḵu sina. Nu iyunudnu, angwaaḵ aḵ tuḻu we sigay sina ta ḵuwam osa, ḵuwan Moses osa ya ḵuwan Profeta Elijah osa.”