Matthew 16:3 - Sa Ugud Apudyus

³ Ḵad nu bigbigat si dumingit init ya allilidaga'd langit ḵan anggiḵbot da libuu, ḵananyu bose, ‘Umudan aḵ uni!’ Ngaipayu lamog imatunan da sinyal ni lubung ḵan langit ya adiyupun lamog imatunan da sinyal Apudyus we maḵwa si sanae aḻgaw?

Matthew 16:3 Referans Kwoze

Luke 12:56

Ngaipayu ḵamman mailasin da sinyal ni luta ḵan langit ya ippun igammuyu'tta sinyal Apudyus we mipanggob ḵan saḵon? Ḵapappaila ḵayu!”

Luke 13:15

Summongbat aḵ Jesus woḵ ḵanana, “Diḵayu we ḵapappailae anuttuwa ḵan Apudyus, adiyupun ḵamman umoy uḵasan baḵa baḵon nu donkeyyu ya ummoyyu pinainuman atte umillongan?

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Luke 11:44

Ḵad ḵaddagu ḵayu bos te isuyu da libone mitataḻu! Gusgusdan da tagu we naippun igammuda.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 22:18

Yaḵon igammun Jesus we lawweng panggobda, pun ḵanana ḵan dida, “Diḵayu we ḵapappaila! Ngaipayu saḵon siḵapan?

Matthew 15:7

Ḵapappaila ḵayu! Tuttuwa pagay impadtun Profeta Isaiah si mipanggob ḵan diḵayu we ḵanana,

Matthew 7:5

Ḵapappailaḵa! Umuna oḵyane ḵaanom setap si atam ta pumataḵ ilam ya lamognu ḵaanon buḻaw si atan ni sunudnu.”

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Hebrews 5:14

Yaḵon da namati ye maḵaawat atte naadaḻome tuttudu'tte Ugud Apudyus, isuda da nanaḵmane tagu we ḵanonda anḵosdoḻ. Te lamogda imatunan ambaḻu ḵan lawweng.