Matthew 16:28 - Sa Ugud Apudyus

²⁸ Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 16:28 Referans Kwoze

Luke 9:27

Yaḵon ibagaḵ ḵan diḵayu ḵatuttuwaan, awad da udum ḵan diḵayu we adipun matoy inggana'ḵ ilanda ampangatan Apudyus.”

Mark 9:1

Pinagatupan Jesus woḵ ḵanana, “Ibagaḵ ḵan diḵayu ḵatuttuwaan, awad da udum ḵan diḵayu we adidapun yan matoy inggana'ḵ ilanda ḵabooḻan Apudyus si ampangatana.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Matthew 26:64

Ḵanan Jesus we summongbat, “Siya imbagame sadi. Yaḵon ibagaḵ ḵan diḵayu, ilanyu saḵone Abeng Di Tagu we tumuḵdu si madawinan Apudyus we maḵabooḻ atta losan. Ḵad asiyu bos ilan umaliyaḵe mibuḻun atta libuu'd langit.”

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Luke 2:26

Sa awe, impaigammun ni Ispiritu Santu ḵan siyae adipun matoy inggana'ḵ ilana'ḵ Kristu we inkarin Apudyus.

Mark 13:26

Ḵad ilanda saḵone Abeng Di Tagu we umali ye midoga'tta libuu. Ḵad ilanda bos ummamdane ḵabooḻaḵ ḵan ḵinapaddan ni ḵinaapudyusḵu.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

Matthew 24:3

Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

Matthew 24:42

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Luke 18:8

Annaya ibagaḵ ḵan diḵayu, ittonae dagus ḵan dida ḵalintoganda. Yaḵon mipauliyaḵ ḵade Abeng Di Tagu, awad ḵamman odasaḵ aḵ amati ḵan saḵon sina'd luta?”

Matthew 8:20

Ḵanan Jesus we summongbat, “Da mutit awad da lunguge inggawanda ya da sissiwit awad os da suḵbutda. Yaḵon saḵon ḵade Abeng Di Tagu we naḻpu'd langite niyanaḵ sina'd luta, naippun boḻoyku'ḵ iyyaḵ masuyopan.”

Matthew 16:13

Dummatong ḵad da Jesus atte saḵub ni Caesarea Philippi, ḵanana'tta disipuluna, “Ngaiyaḵe Abeng Di Tagu atte ḵasomsomḵan da tagu?”

Matthew 24:34

Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu.

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

1 Corinthians 15:23

Yaḵon nauḻnus da maḵwa: umuna umuli'ḵ Kristu ya nu dumatong aḻgawe mipauliyana, asiyot da losane nanḵaḵatoye namati midoga ḵan siya.

James 5:7

Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.

1 John 2:28

Pun sinsadi, diḵayu we aabengḵu, iinggaw ḵayu ḵan siya ta ippun umogyatan taḵu ḵan mabainan taḵu nu ḵasin umali.