35 Pun binilin Jesus da tagu ta tumuḵduda si luta.
Ḵanan Jesus atta disipuluna, “Patuḵduwonyu da tagu.” Tuttuḻni sadi ye inninggawanda. Pun sa iyap da laḻaḵi umoye limallibu, adipun niyiyap da bubai ya da abeng.
Ḵanan Jesus, “Piga awade tinapay ḵan diḵayu?” Ḵanandae summongbat, “Pitun baḻase tinapay ya sa aḵit ose ugadiw.”
Innaḻana pitu we tinapay ya da ugadiw woḵ nanggappiya ḵan Apudyus. Naabus ḵad, binisbisaḵna dida woḵ innatodna'tta disipuluna ta iwaḻasda'tta amode tagu.
