Matthew 15:16 - Sa Ugud Apudyus

¹⁶ Ḵanan Jesus, “Inggana sinsadi taḵon ay diḵayu, daanyupun os maawatan da ituttuduḵ?

Matthew 15:16 Referans Kwoze

Matthew 16:9

Sissiya ḵammane adiḵayupun maḵaawat? Naliwatanyu we sa limae tinapay ummanay aḵ ḵinan da limallibu we tagu? Ḵad pigae aḵḵubaw nasawaḻ si dinagupyu?

Mark 9:32

Yaḵon adidapun naawatan piona ḵanan ḵad adidapun inimus ḵan siya te naḵimtanda.

Mark 7:18

Ḵanan Jesus, “Pun taḵon ay os diḵayu, daanyupun os ay maawatan da ituttuduḵ? Adiyupun ḵamman igammu we ngaimane lumnoḵ si sungad ni tagu, daḵampun aḵ mibelang aḵ angaissaw ḵan siya si antotollong Apudyus?

Luke 9:45

Yaḵon adidapun naawatan piona ḵanan ya nitaḻu ḵan dida ta adida maawatan. Ḵad maḵimutdae angimus ḵan siya mipanggob si sana.

Matthew 15:10

Pune sadi, inayagan Jesus da tagu woḵ ḵanana, “Andongoḻ ḵayu ta maawatanyu.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

Luke 24:45

Pun sinilawana da somsomoḵda ta maawatanda nigili ye Ugud Apudyus.

Luke 18:34

Yaḵon adimpun da disipuluna naawatan imbagana te ḵan dida, nitaḻu piona ḵanan.

Mark 6:52

Te taḵon ay nu innilada inonae namaadu'tte tinapay, adidapun os maawatan mipanggob si ḵabooḻana te tummungitong da pusuda.

Matthew 16:11

Ngaipayu adi maawatane daḵampun si mipanggob si tinapay pioḵ ugudon ḵan diḵayu? Sa imbagaḵ, ummanyu ta adi ḵayu maalisan atte yeast da Pharisee ya da Sadducee!”

Matthew 13:51

Ḵanan Jesus, “Maawatanyu ḵamman losan da anna?” Ḵananda, “On, maawatanni.”

Matthew 15:15

Ḵanan Peter, “Ngai pion ni sadi ye impanim ḵanan mipanggob atte inon ni tagu we mibelang aḵ ḵaissaw atte antotollong Apudyus?”

Matthew 15:17

Adiyupun ḵamman igammu we da lumnoḵ si sungad ni tagu, umoy atte buwangna ya miyattay?