Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.
Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.
Pun pinagatupan Jesus woḵ ḵanana, “Ilanyu ḵaog-ogyate dumadaile sisiḵad atte nasantuwane lugar si templo we angaissawe impadtun Profeta Daniel atte awe. Maawatan oḵyan da ambasa.
Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.
Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.