Matthew 15:1 - Sa Ugud Apudyus

¹ Sin-aḻgawan ḵad, ummoy da Pharisee ya da mimistulun ni lintoge naḻpu'd Jerusalem ḵan Jesus woḵ ḵananda,

Matthew 15:1 Referans Kwoze

Acts 23:9

Pun amod pagay omoḻda. Da udume Pharisee ye mimistulun ni lintog, summiḵadda ta ipatutda ḵasomsomḵanda. Ḵananda, “Ippun paat indasanni'ḵ lawweng ni annae tagu. Naḵaugud nin anghel baḵon nu ispiritu ḵan siya.”

Luke 5:30

Singngongonot da Pharisee ya da udume mimistulun ni lintog atta disipulun Jesus we ḵananda, “Ngaipa ḵayu maḵaḵan atta andadagup atta bugis ya da udume ḵabasbassuḻan?”

Luke 5:21

Gapu'tte sadi ye imbagana, ḵanan da Pharisee ya da mimistulun ni lintog atta somsomoḵda, “Ngaipana ugudon ḵaḵnat? Itaḻayagna long-agnae miyisu ḵan Apudyus we abus aḵ anna ḵaḻabbonganae amakawan atta basuḻ.”

Luke 5:17

Sin-aḻgawan ḵad, nantuttudu'ḵ Jesus si boḻoy. Atuḵtuḵdu sidi da Pharisee ya da mimistulun ni lintog. Naḻpuda'tta losane ili'tte probinsiya'd Galilee ya sa probinsiya'd Judea, nidoga'd Jerusalem. Iinggaw ḵabooḻan Apudyus ḵan Jesus ta lamogna ḵaanon da saḵit.

Mark 3:22

Inninggaw os da mimistulun ni lintoge naḻpu'd Jerusalem we ḵananda, “Inaḻanan Beelzebul we pangat da aḻan. Ḵad siya nangitod atte ḵabooḻanae amaḻyaw atta aḻan.”

Matthew 23:2

“Da mimistulun ni lintog ya da Pharisee, anna ḵaḻabbongandae angipaḵaawat atte lintoge innatod Apudyus ḵan Moses.

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

John 1:19

Annaya tinaḵdoḻan John. Sin-aḻgawan ḵad, imbuun da papangat da Judyu ad Jerusalem da udume papadi ya da udume ganaḵ Levi ta umoyda imuson ḵan John nu ngai'ḵ siya.

Acts 25:7

Dummatong ḵad aḵ Paul, naaligummu da Judyu ḵan siyae naḻpu'd Jerusalem woḵ insaḻaddae nan-ibaga'tta adu we andagsone ipabasuḻda ḵan siyae adidapun mapanoḵnoḵan.