Matthew 14:33 - Sa Ugud Apudyus

³³ Pun awad ay osa ḵan didae inninggaw si bangka nandayaw ḵan siya, ḵananda, “Tuttuwae siḵa Abeng Apudyus.”

Matthew 14:33 Referans Kwoze

John 11:27

Ḵanan Martha, “On Apu, amatiyaḵe siḵa Kristu we Abeng Apudyus we umali si annae lubung.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

Romans 1:4

Nu mipanggob os si ḵinaapudyusna, impailan Apudyus we siya maḵabooḻe Abengna atte ummuliyana. Siya'ḵ Jesu Kristu we Apu taḵu.

Mark 1:1

Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

Matthew 16:16

Ḵanan Simon Peter, “Siḵa Kristu we Abeng ni matattagu we Apudyus.”

John 17:1

Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.

Luke 4:41

Pinaḻyawna bos da aḻan atta adu we naaḻanan. Lummawada ḵad, ḵanandae simbobogga, “Siḵa Abeng Apudyus!” Sinang-an Jesus dida woḵ adinapun dida iyyunude an-uguugud te iniiggammudae siya Kristu.

Mark 15:39

Sa ḵapitan da suḻdadu we nangitotollong si nanḵaḵatoy Jesus ḵanana, “Sa annate tagu tuttuwae Abeng Apudyus.”

Matthew 28:17

Innilada ḵad, nandayawda ḵan siya yaḵon da udum ḵan dida nanduwaduwada.

Matthew 28:9

Pune sadi, baag-en niyabot aḵ Jesus woḵ ḵanana, “Kumusta ḵayu!” Ummadanida ḵan Jesus woḵ nanalluḵudae oonnanda suḵinae andayaw ḵan siya.

Matthew 26:63

Yaḵon gummiginnoḵ. Pun inḵasin os ni ḵangatuwane padi ḵanan, “Sa sinagung ni matattagu we Apudyus, ibagam ḵan diḵani nu siḵa Kristu we Abeng Apudyus.”

John 19:7

Ḵanan da Judyu we summongbat, “Awad de lintogni ye ḵasapuḻane matoy aḵ Jesus te ngannona long-agna'ḵ Abeng Apudyus.”

Luke 24:52

Pun nandaydayawda ḵan siya woḵ nipaulida'd Jerusalem we amod de layadda.

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 15:25

Yaḵon sa sadi ye bubai, amo ummoy nanalluḵu si sinagung Jesus woḵ ḵanana, “Apu, ḵadaguwanaḵ ḵappos ta badanganaḵ.”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Mark 14:61

Yaḵon gummiginnoḵ. Ḵanan os ni ḵangatuwane padi, “Siḵa ḵad ain Kristu we Abeng ni madaydayawe Apudyus?”

Matthew 27:43

Antaḻgod ḵan Apudyus woḵ ḵanana, ‘Saḵon Abeng Apudyus.’ Pun ilan taḵu nu iligsin Apudyus sinsadi.”

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 2:11

Dummatongda ḵad atte boḻoy, nillumnoḵda woḵ innilada abeng ya aḵ Mary ye inana. Nanalluḵuda ta andayawda ḵan siya. Pun binuḵtanda da iiggaan da ampapatoge atodda woḵ innatodda ḵan siya buḻawan, sa ambangu we incenso we ngannonda frankincense ya sa ampatoge lanae ngannonda myrrh.

Matthew 14:32

Unipun, summaḵayda ḵad atte bangka, daguse naḵaginoḵ ampigsae bibbid.