Matthew 13:20 - Sa Ugud Apudyus

²⁰ Da naottage buḵoḻ atte bibbisil, isuda da tagu we sillalaylayade angawat si Ugud Apudyus we dingngoḻda.

Matthew 13:20 Referans Kwoze

John 5:35

Aḵ John, mipani'tte silawe lumangḻang ta silawana da somsomoḵyu. Ḵad ginangganasyu we nandongoḻ ḵan siya si sin-aḵitan.

Mark 6:20

te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.

Acts 8:13

Taḵon ay aḵ Simon namati woḵ nampabonyag. Pune sadi nibuḻun ḵan Philip atta dinumane ayana te nataag atta nakaskasdaaw ya sinyale ḵingwana.

Matthew 7:8

Te ngaimane anḵodaw ḵan Apudyus maittan ya ngaimane ansingit, maḵaodas. Ḵad ngaiman ose anḵugḵug, mabuḵtan onob para ḵan siya.

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.