Matthew 11:8 - Sa Ugud Apudyus

⁸ Ngai ummoyyu innila nu? Innilayu ḵad ain tagu we nansilup atte ampatoge silup? Naid. Te da nansilup atta ḵaḵnat babaḵnangda ya da boḻoy da ari inggawanda.

Matthew 11:8 Referans Kwoze

Matthew 3:4

Sa silup John naaboḻe dutdut di camel ya laḻat taḵyadna. Ḵad dudun ḵan dilu ḵanoḵanona.

Revelation 11:3

Ḵad ittoḵ ḵaḻabbongan atta duwae anaḵdoḻ ḵan saḵon ḵad angipadtuda'tta ipaigammuḵ ḵan dida si unog di sillibu ya duwanggasut ya onompuḻu we aḻgaw. Ansisillupda'ḵ saḵu.”

2 Corinthians 11:27

Nanḵewaḵewaaḻaḵ inggana'ḵ naayoayongaḵ, patilayune mapuyapuyatanaḵ ya nauuḻataḵ te ippun ḵanoḵ ya nauwwauwwawaḵ, naḵumoḵumogaḵ te ippun boḻoy aḵ nasuyopaḵ ya poos da silupḵu.

1 Corinthians 4:11

Inggana sinsadi, nauḻat ḵan nauwaw ḵani, kurang da silupni ya ampaḵaḻam ḵani ya ippun ustu'ḵ boḻoyni.

Matthew 11:7

Nipauli ḵad da disipulun John, insaḻad Jesus we nan-ugud atta amode tagu mipanggob ḵan John. Ḵanana, “Ngai ummoyyu innila si bumbummaaw? Sa potawe mibibbibbid? Naid.

Matthew 11:9

Pun ngai ummoyyu innila nu? Osa ḵad aine profeta? On, ibagaḵ ḵan diḵayu, daldallu nu sa profeta.

Luke 7:25

Ngai pagay lasunyu we ummoy? Ummoyyu ḵamman innila tagu we nansilup atte ampatoge silup? Naid! Te da angisilup atta ambaḻubaḻu babaḵnangda ya da boḻoy da ari inggawanda.