Matthew 11:29 - Sa Ugud Apudyus

²⁹ Unudonyu da bilinḵu ḵan an-adaḻ ḵayu ḵan saḵon te naanusaḵ ḵan napakumbabaaḵ woḵ maillongan ḵayu.

Matthew 11:29 Referans Kwoze

John 13:15

Ḵingwaḵ anna ta awad ampaniyanyu. Ta ḵoonyu oḵyan os da ḵingwaḵ ḵan diḵayu.

Matthew 7:24

Pun ḵanan Jesus we nangipani, “Losane andongoḻ ya tuttuwaona ḵoon da annae ibagaḵ, mipani si nalainge tagu we nantaḵad aḵ boḻoyna woḵ insaadna si labaw ni batu.

Hebrews 5:9

Ḵingwana ḵad da losane ḵasapuḻane ḵoona, nambaline siya anagu'tta losane tagu we anuttuwa ḵan siya'tte angittana ḵan dida si biyag aḵ inggana.

2 Corinthians 10:1

Saḵon aḵ Paul we ḵanan da udum ḵan diḵayu we antuḻodaḵe guminga nu adayuwaḵ ḵan diḵayu yaḵon maḵimutaḵ nu annaaḵ si sinagungyu. Gapu'tte ḵinapakumbaba ḵan ḵinaanus Jesu Kristu,

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Philippians 2:5

Ḵasapuḻane patilayunonyu unudon ansosomsomoḵ ḵan nantatagun Jesu Kristu.

Matthew 21:5

“Ibagayu'tta tagu'd Jerusalem, ‘Annat Ariyu we umali ḵan diḵayu we impakumbabana long-agnae nangabayu si ubbun ni donkey.’ ”

2 Corinthians 10:5

Dadailonni da gapun ni ansosongbatan da ngaimane ampasindayawe anupod atte angigammuwan da tagu si mipanggob ḵan Apudyus. Ḵad pasantanni da losane somsomoḵ ta tuttuwaonda'ḵ Kristu.

1 Thessalonians 4:2

Te inigammuyu da imbagani ḵan diḵayu mipagapu ḵan Apu Jesus.

John 13:17

Nu igammuyu da anna, pian ḵayu nu ḵoonyu dida.

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

1 Corinthians 9:21

Isun ni antuttuduwaḵ atta Gentil we adidapun unudon lintog da Judyu, ambalinaḵ aḵ dogada ta adu da maawisḵu ḵan dida. Yaḵon daḵampun aḵ ḵanaḵe adiḵ tuttuwaon Lintog Apudyus te sissiyae unudoḵ da lintog Kristu.

Acts 7:37

Aḵ Moses we mismu nangibaga'tta ganaḵ Israel ḵanane, ‘Sa umali ye aḻgaw, awad de osae profeta we isuḵe ibuun Apudyus ḵan diḵayu we maḻpu ḵan diḵani ye susunude ganaḵ Israel.’

Luke 8:35

Pun ummoy da tagu innila naḵwa. Dummatongda ḵad ḵan Jesus, indasanda sadi ye tagu we napaḻyawan da aḻan. Tutuḵdu si sinagung Jesus ya nansilup ḵan nanggodong somsomoḵna. Pun naḵimtanda.