Matthew 11:27 - Sa Ugud Apudyus

²⁷ Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Matthew 11:27 Referans Kwoze

Matthew 28:18

Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

2 John 1:9

Ngaimane tagu we adinapun pagatupane angunud atta tuttudun Kristu yaḵon amo dog-ana, adinapun igammu'ḵ Apudyus. Yaḵon sa tagu we pagapagatupanae angunud atta tuttudun Kristu, iinggaw aḵ Apudyus we Ama ya sa Abengna ḵan siya.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

John 10:15

Igammun Amaḵ saḵon ḵad igammuḵ os aḵ Amaḵ. Ḵad naḵasaganaaḵe angitod atte long-agḵu'ḵ matoy gapu'tta karneroḵ.

John 3:35

Te aḵ Ama we Apudyus, ayatona abengna woḵ impuḻangna ḵan siya da losan.

John 6:46

Daḵampun aḵ piona ḵanane awad nangila ḵan Apudyus, malaksid ḵan saḵone naḻpu ḵan siya.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

John 7:29

Saḵon ḵad, igammuḵ te siya naḻpuwaḵ ya siya nangibuun ḵan saḵon.”

John 17:6

“Impaigammuḵ siḵa'tta tagu si annae lubunge innatodnu ḵan saḵon. Ḵuwam dida ya innatodnu dida ḵan saḵon woḵ tinuttuwada ugudnu.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.