Matthew 11:18 - Sa Ugud Apudyus

¹⁸ Dida da mipaniyan da tagu sinsana te ummali ḵad aḵ John we Ambobonyag, nallaun ya adipun os uminum si bayas, ḵananyu, ‘Ngaipana ḵoon ḵaḵnat? Naaḻanan!’

Matthew 11:18 Referans Kwoze

Luke 1:15

te ampatog atte antotollong Apudyus. Adipun oḵyan uminum aḵ bayas ya da udume bumartek. Taḵon ay sissiyaana'tte buwang inana, inggaw ḵabooḻan ni Ispiritu Santu ḵan siya.

Matthew 3:4

Sa silup John naaboḻe dutdut di camel ya laḻat taḵyadna. Ḵad dudun ḵan dilu ḵanoḵanona.

John 10:20

Adu da ḵananda, “Naaḻanan ya naḻapang. Ngaipayu dongngon?”

John 8:48

Pun ḵanan da Judyu, “Daḵampun ḵamman aḵ tuttuwa imbagani ye iSamariaḵa we naaḻanan?”

John 7:20

Ḵanan da tagu, “Naaḻananḵa! Ngai lawa maḻyad angongat ḵan siḵa?”

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Acts 26:24

Sa nanaḵdoḻan Paul atte long-agna, napapḵaaw aḵ Festus woḵ ḵanana, “Natingangḵa Paul! Sa ummamdane inadaḻnu natingangam!”

Matthew 9:34

Yaḵon ḵanan da Pharisee, “Sa pangat da aḻan nangitod atte ḵabooḻanae amaḻyaw atta aḻan.”

Matthew 11:17

“ ‘Nanadoḵ ḵani, yaḵon adiḵayupun nanangni. Pun nanḵanḵanta ḵani'tta ḵanḵanta'tta bagungon, yaḵon adiḵayupun os naḵadomdom.’

Mark 3:22

Inninggaw os da mimistulun ni lintoge naḻpu'd Jerusalem we ḵananda, “Inaḻanan Beelzebul we pangat da aḻan. Ḵad siya nangitod atte ḵabooḻanae amaḻyaw atta aḻan.”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.