Matthew 11:1 - Sa Ugud Apudyus

¹ Ginangput ḵad Jesus binilin da nasawaḻan aḵ duwae disipuluna, ummoyon woḵ ummoy nantuttudu ya iwwaḻagawagna Ambaḻu we Damag atta adani ye ili.

Matthew 11:1 Referans Kwoze

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

2 Thessalonians 3:10

Te sa inninggawanni ḵan diḵayu, imbilinni ye da ngaimane adi anḵewaaḻ adida oḵyan angan.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

1 Thessalonians 4:2

Te inigammuyu da imbagani ḵan diḵayu mipagapu ḵan Apu Jesus.

Acts 10:42

Binilinna diḵani ye iwaḻagawagni Ambaḻu we Damag mipanggob ḵan siya ya taḵdoḻanni ye siya dinutuḵan Apudyus aḵ anguwis atta matattagu ya da natoy.

Acts 1:2

inggana si aḻgawe nipangatuwana'd langit. Yaḵon sa daanna mipangatuwan ad langit, innatodna bilinna mipagapu'tte Ispiritu Santu atta apostol we pinilina.

John 15:14

Diḵayu da buḻbuḻunḵu nu tuttuwaonyu da bilinḵu.

John 15:10

Nu tuttuwaonyu da bilinḵu ya iinggaw ḵayu si ayatḵu, isun ni nanuttuwaaḵ atta bilin Amaḵ ya iinggawaḵ si ayatna.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Matthew 7:28

Naabus ḵade inugud Jesus ḵaḵna, sintataag da nadagupe tagu si inonae nantuttudu.

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

1 Timothy 6:14

Ḵasapuḻane tuttuwaom da losane bilin Apudyus ya ilam ta ippun miḵawas si ituttudum baḵon nu ippun ipabasuḻda ḵan siḵa inggana si mipauliyan Apu taḵu we Jesu Kristu.

Mark 6:12

Pune sadi, ummoy da disipuluna woḵ iwwaḻagawagdae ibabawin da tagu da basuḻda ya agaydae angwa.

Luke 23:5

Yaḵon ḵanandae nangipatut, “Ginuluguluna da adu we tagu'tte intero we probinsiya'd Judea. Insaḻadnae nantuttudu'tte probinsiya'd Galilee woḵ dummatong ad Judea ya taḵon ay sinsadi sina'd Jerusalem.”