Pun inayagan Jesus da adu we tagu ya da disipuluna woḵ ḵanana, “Ngaimane pionae angunud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.
Pun innaḻan da suḻdadu'ḵ Jesus woḵ intallayda si lasinna'd Jerusalem we impabuḵudda ḵan siya de krosna inggana'ḵ dummatongda si “Lugar ni Battuḵag” we ngannonda Golgotha atte Hinebrew.
Naayatan aḵ Jesus we nangitotollong ḵan siya woḵ ḵanana, “Os-ossaan nangkurangam. Inḵa ingina da ḵuḵuwam ya ittom bayadda'tta ḵapus woḵ awad de binaḵnangnu we indulin Apudyus ad langit. Ḵad umaliḵa, tun-udonaḵ.”
Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus.