Matthew 10:25 - Sa Ugud Apudyus

²⁵ Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 10:25 Referans Kwoze

Luke 11:15

Ḵanan da udum ḵan dida, “Aḵ Beelzebul we pangat da aḻan nangitod atte ḵabooḻanae amaḻyaw atta aḻan.”

Matthew 12:24

Yaḵon dingngoḻ ḵad da Pharisee ḵananda, “Abus aḵ Beelzebul we pangat da aḻan aḵ nangitod atte ḵabooḻanae amaḻyaw atta aḻan.”

Matthew 9:34

Yaḵon ḵanan da Pharisee, “Sa pangat da aḻan nangitod atte ḵabooḻanae amaḻyaw atta aḻan.”

John 7:20

Ḵanan da tagu, “Naaḻananḵa! Ngai lawa maḻyad angongat ḵan siḵa?”

Mark 3:22

Inninggaw os da mimistulun ni lintoge naḻpu'd Jerusalem we ḵananda, “Inaḻanan Beelzebul we pangat da aḻan. Ḵad siya nangitod atte ḵabooḻanae amaḻyaw atta aḻan.”

John 8:48

Pun ḵanan da Judyu, “Daḵampun ḵamman aḵ tuttuwa imbagani ye iSamariaḵa we naaḻanan?”

John 10:20

Adu da ḵananda, “Naaḻanan ya naḻapang. Ngaipayu dongngon?”

John 8:52

Ḵanan da Judyu, “Sinsadi inigammuni ye naaḻananḵa! Aḵ Abraham ya da profetan Apudyus natoyda! Ḵad ibagame ngaimane anuttuwa'tta ugudnu, adipun matoy.

Matthew 12:27

Ngaipayu ḵamman ibagae aḵ Beelzebul nangitod atte ḵabooḻaḵe amaḻyaw atta aḻan? Nu tuttuwa da imbagayu, ngai bos nangitod si ḵabooḻan da disipuluyu we amaḻyaw atta aḻan? Pun gapu ta sa ḵabooḻan Apudyus amaḻyawan da disipuluyu'tta aḻan we daḵampun atte ḵabooḻan Satan, sana amanoḵnoḵe nankamali ḵayu si imbagayu mipanggob ḵan saḵon.

Luke 11:18

Ḵaḵna bos aḵ Satan nu paḻyawona da asin-aḻanna, madadail ampangatana. Ngaipayu ḵamman ibagae aḵ Beelzebul nangitod atte ḵabooḻaḵe amaḻyaw atta aḻan?

Luke 11:19

Nu ḵananyu we paḻyawoḵ da aḻan gapu si ḵabooḻan Beelzebul, ngai bos nangitod si ḵabooḻan da disipuluyu we amaḻyaw atta aḻan? Pun gapu ta sa ḵabooḻan Apudyus amaḻyawan da disipuluyu'tta aḻane daḵampun atte ḵabooḻan Satan, sana amanoḵnoḵe nankamali ḵayu si imbagayu mipanggob ḵan saḵon.

Mark 10:39

Ḵananda, “On! Lamogni.” Ḵanan Jesus ḵan dida, “On, isun ni ampaḵaḻamaḵ ampaḵaḻamanyu. Isuna bos anḵaḵatoyḵu anḵaḵatoyyu.