Matthew 1:22 - Sa Ugud Apudyus

²² Naḵwa losan da sana ta mituttuwa inugud Apu we Apudyus si awe atte profetanae an-uuggudonae ḵanana,

Matthew 1:22 Referans Kwoze

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

Acts 3:18

Yaḵon sa natoyan Jesus, sadi nituttuwaan ni impaigammun Apudyus mipagapu'tta losane profetanae ḵasapuḻane ampaḵaḻam ya matoy aḵ Kristu we ibuunna.

John 18:9

Imbagana sana ta mituttuwa sadi ye inugudnae naippun ossaan aḵ tinaḻaḵḵu'tta innatod Apudyus ḵan saḵon.

Matthew 13:35

Ḵingwana ḵaḵna ta mituttuwa impaibagan Apudyus atte profetanae ḵanana, “Da pani, siya inoḵe maḵaugud ḵan dida. Ibagaḵ ḵan dida da daampun mipaigammu'tte inggan ni naḵwaan ni lubung.”

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 15:25

Maḵwa sana ta mituttuwa nigili si lintogdae ḵanana, ‘Sasangngaanda saḵone ippun gapuna.’ ”

John 10:35

Nu ngannon Apudyus dida'ḵ Apudyus, ngai naḻpuwan ni Ugud Apudyus we ippun ambaliwana'ḵ inggana?

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Matthew 12:17

Ḵingwana ḵaḵna ta mituttuwa imbagan Apudyus si awe ḵan Profeta Isaiah we ḵanana,

Matthew 2:15

Inninggawda sidi inggana'ḵ natoy aḵ Ari Herod. Naḵwa ḵaḵna ta sa imbagan Apudyus atte profetanae ḵanana, “Inayagaḵ abengḵu ta tenana'd Egypt.”

Matthew 8:17

Ḵingwana ḵaḵna ta mituttuwa imbagan Profeta Isaiah we ḵanana, “Siya nangaan atta ampaḵaḻaman taḵu ya ḵinaanna da saḵit taḵu.”

Matthew 5:17

Pune sadi ḵanan Jesus, “Adiyu sosomḵone ummaliyaḵ ta iyyaḵ waswason da lintog Moses ya da inggilin da profeta yaḵon ummaliyaḵ ta ituttuwaḵ da imbagada.

Luke 21:22

Te sanat timpu we dusaon Apudyus da tagu ta mituttuwa da nigili si ugudna.

Revelation 17:17

“Sa sanate bubai ye innilam, siya nandindinamage siyudade nangipangat atta losane ari'd luta. Naḵwa da sana ḵan siya te aḵ Apudyus nangidaḻan ḵan dida ta an-ossaan somsomoḵda ta mituttuwa panggobna. Siya gapun ni nangipuḻanganda'tte ḵaog-ogyate ayam atta ḵaḻabbongandae ampangat inggana'ḵ mituttuwa da losane imbagan Apudyus.”

Romans 1:2

Sa annae Ambaḻu we Damag, mipanggob si abengnae inkarina si awe atte impaigilinae ugudna mipagapu'tta profetanae an-uuggudona. Nu mipanggob si ḵinatataguna, naḻpu'tta ganaḵ Ari David.