Mark 9:42 - Sa Ugud Apudyus

⁴² Pinagatupan Jesus woḵ ḵanana, “Ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya miballu'tte baybay.

Mark 9:42 Referans Kwoze

Matthew 18:6

Pinagatupan Jesus woḵ ḵanana, “Yaḵon ngaimane anulisug ta maḵabasuḻ taḵon ay osa'tta annae ḵamḵamae tagu we amati ḵan saḵon, un-unnoyna nu mitaḵod daḵoḻe binatu we gilingan si bagangna ya maanud atte ḵaadaḻoman ni baybay.

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

2 Corinthians 6:3

Ummanni gay atta ḵoonni ta ippun lumawengan ni somsomoḵ da asintataguni ḵan maḵabasuḻanda ta ippun oḵyan madellaw atta sanae ḵoonni si anserbiyanni ḵan Apudyus.

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

Romans 14:13

Ḵad siya gapunae adi taḵu ogon ḵuwison da udume namati yaḵon ḵasapuḻane pasig taḵu sosomḵone adi taḵu angwa'ḵ ngaimane gapun ni maḵabasuḻan da susunud taḵu ḵan Kristu.

2 Peter 2:2

Yaḵon adu da angunud atta ḵababbaine antataguda ḵad gapu ḵan dida, ibagadae lawweng ḵatuttuwaan.

Acts 9:4

Pun naottag woḵ dingngoḻna gingae ḵanana ḵan siya, “Saul, Saul, ngaipam saḵon ampaḵaḻamon?”

1 Timothy 5:14

Pun sa ḵasomsomḵaḵ, nabaḻbaḻu angasawa da ḵaḵosdoḻandae baḻu ta umanaḵda ḵan ipapuutda ilan da ḵaboḻoyda ta ippun wayan da ḵabusuḻ taḵu we angamsew ḵan ditaḵu.

Philippians 1:10

ta lamogyu imatunan ya piliyan ḵabaḻuwan. Te nu ḵatti, ambaḻubaḻu ugaliyu ya ippun oḵyan ḵingwayu'ḵ mipabasuḻ ḵan diḵayu si ḵasine umaliyan Jesu Kristu.

Romans 15:21

Te sa ḵanan ni nigili ye Ugud Apudyus, “Angil-an da adipun paat nandongoḻ mipanggob ḵan siya ḵad maawatanda mipanggob ḵan siya.”

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”