Mark 8:6 - Sa Ugud Apudyus

⁶ Ḵingwan ḵad Jesus, pinatuḵduna da tagu. Pun innaḻana pitu we tinapay woḵ nanggappiya ḵan Apudyus. Naabus ḵad, binisbisaḵna woḵ innatodna'tta disipuluna ta iwaḻasda'tta amoamode tagu.

Mark 8:6 Referans Kwoze

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Romans 14:6

Sa tagu we patgana osae aḻgaw, ḵoona ḵatti aḵ anayawana ḵan Apudyus. Isun os ni osae angan atta baḻangnae maḵan, ḵanona'ḵ anayawana ḵan Apudyus te anggappiyaana ḵan siya. Ḵad isun os ni adi angan atta baḻangnae maḵan, ḵoona ḵatti'ḵ anayawana ḵan Apudyus te anggappiyaana ḵan siya.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

John 2:5

Pune sadi, ḵanan ni inan Jesus atta antataug atte bayas, “Ḵoonyu da ngaimane ibagana ḵan diḵayu.”

Luke 24:30

Tummuḵduda ḵade angan, innaḻan Jesus tinapay, nanggappiya ḵan Apudyus woḵ binisbisaḵna woḵ innatodna ḵan dida.

Luke 12:37

Pian da sammilu we naḵasagana nu dumatong apuda taḵon ay nu gawallabi baḵon nu madam-an taḻun. Ibagaḵ ḵan diḵayu ḵatuttuwaan, pasantan ni apuda silupna'tte pallos ya patuḵduwona dida ta siya allusnu ḵan dida.

Matthew 26:26

Sissiyada ḵade angan, innaḻan Jesus tinapay woḵ nanggappiya ḵan Apudyus. Naabus ḵad, binisbisaḵna woḵ innatodna'tta disipuluna woḵ ḵanana, “Aḻanyu anna ta ḵanonyu. Annaya long-agḵu.”

Mark 8:5

Pun ḵanan Jesus we nangimus, “Ḵamaan ni awad ḵan diḵayu we tinapay?” Ḵananda, “Pitu.”

Mark 8:7

Inninggaw os aḵite ugadiwe anḵabaḻan-og. Nanggappiya bos aḵ Jesus ḵan Apudyus woḵ impaiwaḻasna.

Mark 8:20

Ḵanana, “Ḵad sa pitu we tinapay, pinaḵanan taḵu da opat libu we tagu. Ḵad pigae aḵḵubaw os dinagupyu we nasawaḻ?” Ḵananda, “Pitu.”