Mark 8:33 - Sa Ugud Apudyus

³³ Yaḵon nansagung aḵ Jesus atta disipuluna woḵ ḵananae summanga ḵan Peter, “Ḵumassadḵa Satan! Te sa annat si somsomoḵnu daḵampun si pinion Apudyus yaḵon sa pion da tagu.”

Mark 8:33 Referans Kwoze

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

1 John 2:15

Adiyu ayaton da ugalin da tagu we adipun amati ye sumullagi si pinion Apudyus ya da banage awad si annae lubung te nu ayatonyu da sanae banag, naippun os ayatyu ḵan Apudyus we Ama taḵu.

Philippians 3:19

Te aaddi ye sa ambanagan ni biyagda, madusada'ḵ inggana'd infiernu. Te dida ḵad, siya ambalinonda'ḵ apudyusda da pipion da long-agda. Ḵad siya is-isḵaḻda da ḵababbaine ḵoḵoḵḵonda. Siya bos ipapuut ni somsomoḵda da awad si luta.

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.

1 Peter 4:1

Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.

1 Timothy 5:20

Yaḵon nu pagapagatupan ni angipangpangu we maḵabasuḻ, suppaḵam si sinagung ni gimung ta umogyat da udume angwa'tte ḵingwana.

1 Corinthians 5:5

Ipuḻangyu sanate laḻaḵi ḵan Satan ta dadailona long-agna, ta matagu ispirituna'tte aḻgawe angulinan Apu.

Luke 22:61

Pun natanawili'ḵ Apu Jesus we nangimumuskoḻ ḵan Peter woḵ inḵagasmoḵna imbagan Apu ḵan siyae ḵanana, “Daampun anullaḵuḵ ḵawitan si labi'ḵ uni, amiḵluwom saḵon puḵlitan.”

Mark 3:34

Nallangḻanga ḵad atta nampaliḵwos ḵan siya, ḵanana, “Annaya da inaḵ ḵan susunudḵu!

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

Matthew 15:23

Aḵ Jesus ḵad, gummiginnoḵe adinapun songbatan bubai. Pun ummadani da disipuluna ḵan siya woḵ ḵananda, “Paḻyawom ḵappos ta umoyon ḵan agaynae mituntun-ude ampoḵapoḵaw.”

Titus 1:13

Tuttuwa sadi ye ugud, pun suppaḵam dida ta gumdong pammatida,

Luke 9:55

Nansinagung aḵ Jesus woḵ sinuppaḵana dida.

Luke 4:8

Ḵanan Jesus, “Adiḵpun te ḵanan ni nigili ye Ugud Apudyus, “ ‘Sa Apu we Apudyusnu, siya abus aḵ dayawom ḵan anserbiyam.’ ”

Matthew 16:23

Yaḵon nansagung aḵ Jesus woḵ ḵanana, “Ḵumunudḵa Satan! Tumupodḵa ḵan saḵon. Te sa somsomoḵnu, daḵampun si pinion Apudyus yaḵon sa pion da tagu.”