Mark 7:3 - Sa Ugud Apudyus

³ Te da Pharisee ya da udume Judyu, unudonda ugali ye tinawidda'tta danaḵḵoḻdae adidapun angan nu adidapun ambuḻu.

Mark 7:3 Referans Kwoze

Galatians 1:14

Mipanggob ḵad os atte pammatini ye Judyu, intutuḻ-ayḵu'ḵ adayu'tta dogwasḵu te saḵon ḵapangogane nangunud ya nangitataḵdoḻ atta ugali ye tinawidni'tta daḵdaḵoḻni.

Mark 7:13

Gapu'tte sadi ye ugali ye ituttuduyu'tta adu we tagu, an-awidanyu Ugud Apudyus. Ḵad ḵoonyu bos da adu we ḵaḵna.”

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

1 Peter 1:18

Te igammuyu we sinubutna diḵayu ta mapuḵayan ḵayu si ippun anunae antatagu we tinawidyu'tta danaḵḵoḻyu. Ḵad sa insubutna ḵan diḵayu daḵampun aḵ pilaḵ baḵon nu buḻawane maḵwae madadail,

Mark 7:5

Pun da Pharisee ya da mimistulun ni lintog, ḵananda ḵan Jesus, “Ngaipan da disipulum adi unudon ugali si inondae ambuḻu we tinawid taḵu'tta danaḵḵoḻ taḵu? Ngaipada angane adidapun inunud inondae ambuḻu?”

Luke 11:38

Sa Pharisee ḵad, nataag atte innilanae adipun aḵ Jesus nambuḻu asiyot angan.

John 2:6

Awad de ugalin da Judyu atte pumoḻḵasan. Pun inggaw sidi onome ammutu we batug di opat baḵon nu onom lataan si danum.