Mark 5:38 - Sa Ugud Apudyus

³⁸ Dummatongda ḵad aḵ ḵuwan da Jairus, innilana da amode tagu we sin-oomoḻ ḵan sin-iibil.

Mark 5:38 Referans Kwoze

Acts 9:39

Pun nallibbat aḵ Peter woḵ nibuḻun ḵan dida. Dummatongda ḵad, impuyutda'tte ngatu we kuwartu we igaw ni natoy. Sin-iibil da losane baḻu we sisiḵad si daḻnig Peter woḵ ipailada ḵan Peter da langgoyod ya da udume silupe ḵingwan Dorcas si inninggawana ḵan dida.

Mark 5:22

Pun annat aḵ Jairus we osa'tta pangat ni sinagoga. Innilana ḵad ay aḵ Jesus, nanalluḵu si sinagungna,

Matthew 11:17

“ ‘Nanadoḵ ḵani, yaḵon adiḵayupun nanangni. Pun nanḵanḵanta ḵani'tta ḵanḵanta'tta bagungon, yaḵon adiḵayupun os naḵadomdom.’

Matthew 9:18

Sissiya ḵad aḵ Jesus we maḵaug-uggud atta disipulun John, dummatong pangat da Judyu. Nanalluḵu si sinagung Jesus woḵ ḵanana, “Awad de bubai ye abengḵu we ḵaḵḵatoy yaḵon awwaynu ḵappos ta inḵa iyappad imam ḵan siya ta umuli.”

Mark 5:39

Nillumnoḵ aḵ Jesus woḵ ḵanana, “Ngaipa ḵayu sin-oomoḻ ḵan sin-iibil? Sa annate abenge bubai, daḵampun aḵ natoy. Nasuyope abus.”