Mark 4:36 - Sa Ugud Apudyus

³⁶ Pun naḵalugan da disipuluna'tte bangkae inninggawan Jesus woḵ tinenanda da tagu. Inninggaw os da nambangkae nibuḻun ḵan dida.

Mark 4:36 Referans Kwoze

Mark 4:1

Sin-aḻgawan ḵad, ummoy aḵ Jesus atte taḻantag ni baybay ta antuttudu. Gapu ta amoamod da nangaligummu ḵan siya, ummoy tummuḵdu'tte bangka'tte sissiyae inggaw da tagu si taḻantag.

Mark 3:9

Gapu ḵad ta amoamode tagu, imbagana'tta disipuluna ta umoyda angngit aḵ bangka ta siya inggawana ta adi misodet.

Mark 5:2

Lummogsad ḵad aḵ Jesus atte bangka, inabot ni laḻaḵi ye naaḻanane naḻpu'tte lilibbonane

Mark 5:21

Nipauli ḵad aḵ Jesus we dummoḻmang, inaligummun da amoamode tagu'tte taḻantag ni baybay.

Matthew 8:23

Summaḵyat ḵad aḵ Jesus si bangka, nibuḻun da disipuluna ḵan siya.

Mark 4:37

Pune sadi, inniggana ampigsapigsae bibbid woḵ nilaḵbungan ni tupiyaḵ bangkada, pun tigangayda milisob.

Mark 6:32

Pun nambangkadae abus woḵ ummoyda si bumbummaaw.

Luke 8:22

Sin-aḻgawan ḵad, summaḵay da Jesus ya da disipuluna'tte bangka woḵ ḵanan Jesus ḵan dida, “Intaḵu dumoḻmang.” Pun nallibbatda.