Mark 2:25 - Sa Ugud Apudyus

²⁵ Pun ḵanan Jesus ḵan dida, “Ḵasapuḻane sosomḵonyu binasayu mipanggob atte ḵingwan Ari David ya da buḻunna'tte nauḻatanda.

Mark 2:25 Referans Kwoze

Luke 10:26

Ḵanan Jesus, “Ngai binasam si nigili ye Lintog Apudyus? Ngai piona ḵanan?”

Mark 12:26

Ḵad sa mipanggob atte umuliyan da natoy, iḵagasmoḵyu oḵyan binasayu'tte inggilin Moses mipanggob si umapuapuye ḵayu we ḵanana, ‘Saḵon Apudyus da Abraham, Isaac ya aḵ Jacob?’

Mark 12:20

Inninggaw ḵanu da pitu we ansusunude lallaḻaḵi. Nangasawa panguḻu yaḵon natoy atte daandapun maganaḵ.

Matthew 22:31

Nu mipanggob si umuliyan da natoy, iḵagasmoḵyu oḵyan binasayu we imbagan Apudyus ḵan diḵayu si ugudna.

Matthew 21:42

Pun ḵanan Jesus ḵan dida, “Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy. Sa annae ḵingwan Apudyus, ambaḻubaḻu. Ḵad nakaskasdaaw atte ḵasomsomḵan taḵu.’

Matthew 21:16

Ḵananda ḵan Jesus, “Dingngoḻnu ḵamman iyip-ipḵaw da annae abeng?” Ḵanan Jesus, “On, dingngoḻḵu. Iḵagasmoḵyu oḵyan binasayu si nigili ye Ugud Apudyus we ḵanana, ‘Tuttuduwan Apudyus da abeng ya da uttinge gattoḵe andayaw ḵan siya.’ ”

Matthew 19:4

Ḵanan Jesus we summongbat, “Adiyupun ḵamman binasa nigili'tte Ugud Apudyus we ḵanana, ‘Sa laplapunae nangwaan Apudyus atta tagu, ḵingwana dida'ḵ laḻaḵi ḵan bubai.’

Matthew 4:2

Pun nallaun aḵ opatpuḻu we aḻgaw ḵan labi woḵ nauḻauḻat.

Mark 2:24

Inninggaw da udume Pharisee ye innilada ḵingwada. Ḵananda ḵan Jesus, “Ilam ḵad, ngaipada ḵoon ḵaḵnat? Lisalisonda lintog taḵu we Judyu te an-anida si umillongan.”

Mark 2:26

Nillumnoḵ si boḻoy Apudyus woḵ innaḻana tinapaye nidatun ḵan Apudyus we adimpun ni lintog iyunud. Abus da papadi'ḵ miyunude angan si sadi ye tinapay. Yaḵon ḵinanna ya innattana bos da buḻunna. Sana naḵwa si timpun Abiathar we ḵangatuwane padi.”