4 Dummatongda ḵad, inniladae naligad batu we daḵodaḵoḻ.
Mabigat ḵade nagangput umillongane ngannonda ummunae aḻgaw ni sindumingguwan, nammadam-an taḻun aḵ Mary Magdalene we ummoy atte nilibonan Jesus. Sissiya ḵade anggiḵbot, innilanae naḵaan batu we onob ni libon.
Indasanda onob ni libone naligad.
Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon.
Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.
Sa inggawanda si daḻan, ḵanandae nan-asiimus, “Ngai alligad si batu we onob ni liyang?”
Nillumnoḵda ḵad atte liyange libon, nataagdae nangila si babaḻu we tutuḵdu si madawinane nansilup aḵ itaḵ.
