Mark 16:16 - Sa Ugud Apudyus

¹⁶ Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Mark 16:16 Referans Kwoze

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 8:24

Ḵanaḵe nangibaga ḵan diḵayu, ‘Matoy ḵayu we adipun napakawan da basuḻyu nu adi ḵayu amati ye saḵone mismu sadi ye imbagaḵ.’ ”

John 6:29

Ḵanan Jesus, “Annaya pinion Apudyus we ḵoonyu, amati ḵayu oḵyan ḵan saḵone imbuunna.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Acts 10:43

Da losane profetan Apudyus si awe, tinaḵdoḻanda mipanggob ḵan Jesus ta ngaimane amati ḵan siya mapakawan da basuḻda mipagapu'tte ngadanna.”

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

John 6:35

Ḵanan Jesus, “Saḵon maḵane angitod atte biyag aḵ inggana. Ḵad da umali ya amati ḵan saḵon, adidapun paat mauḻat ḵan mauwaw.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

Acts 2:41

Pun da nangawat si ugudna, nampabonyagda. Umoye tuḻullibu belang da nidoga.

Luke 8:12

Da naottag atte daḻan, mipanida'tta tagu we dongngonda Ugud Apudyus. Pun umoy aḵ Satan ya ḵinaanna da Ugud Apudyus atta somsomoḵda ta adidapun amati ḵan matagu.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Acts 13:39

Mipagapu ḵan siya, ngaimane amati maun-unan ya mapuḵayan atta dusan da losane basuḻe adimpun ni lintog Moses lamog puḵayan.

Romans 4:24

te nigili'ḵ para bos ḵan ditaḵu. Ditaḵu we namati ḵan Apudyus we nanagu ḵan Apu taḵu we Jesus.

2 Thessalonians 2:12

ta losanda maḵoddongan aḵ madusa te adidapun namati si ḵatuttuwaan yaḵon siya ginangganasda da maḵabasuḻanda.

2 Thessalonians 1:8

Ḵad dusaona'tte apuy ta bumaḻos atta adipun angigammu ḵan Apudyus ya da adipun tumuttuwa gapu si adidapun amatiyan atte Ambaḻu we Damag mipanggob ḵan Jesus we Apu taḵu.

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Romans 3:6

Daḵampun aḵ ḵatti! Te nu adi naun-unan aḵ Apudyus, ngai inonae anguwis atta losane tagu si annae lubung?