Mark 15:21 - Sa Ugud Apudyus

²¹ Sa inggawanda si daḻan, inabotda'ḵ Simon we iCyrene, sa aman da Alexander ḵan Rufus we naḻpu'tta ili ye umoy si siyudad. Impatutdae buḵudona de kros Jesus.

Mark 15:21 Referans Kwoze

Luke 23:26

Pun sa nangitallayanda ḵan siya, dinoḵmaanda'ḵ Simon we iCyrene we naḻpu'tta ili ye umoy atte siyudad woḵ impabuḵudda de kros ta mitun-ud ḵan Jesus.

Matthew 27:32

Inninggawda ḵad atte daḻane naḻpu'tte siyudad, inabotda tagu we nangngadan aḵ Simon we iCyrene. Pun impatut da suḻdadu impabuḵud ḵan siya de kros Jesus.

Romans 16:13

Pakumustaonyu'ḵ Rufus we iniiggammudae nanserbiyana'ḵ Apu, isun inanae imbelangḵu bos aḵ inaḵ.

Acts 13:1

Ad Antioch atta namati ye magimugimung, inggaw da profetan Apudyus ya da angituttudu'tte Ugud Apudyus. Dida da Barnabas, Simeon we nangadanan aḵ Ngitit, Lucius we iCyrene, Saul ya aḵ Manaen we buḻun Gobernor Herod atte probinsiya'd Galilee.

Acts 11:20

Yaḵon da udume namati ye iCyprus ḵan iCyrene, ummoyda'd Antioch woḵ iwwaḻagawagda Ambaḻu we Damag mipanggob ḵan Apu Jesus atta Gentil.

Acts 6:9

Yaḵon da udume Judyu we naḻpu si grupu we ngannonda “Sinagogan di Napuḵayane Musassu” we iCyrene ya iyAlexandria ya da udume naḻpu'd Cilicia ya ad Asia, tummaḵdogda woḵ naḵasossongbatda ḵan Stephen.

Acts 2:10

Phrygia, Pamphylia, Egypt ya da udume saḵubna'd Libya we dogana'd Cyrene. Ḵad da mangili ye naḻpu'd Rome,

Luke 14:27

Ḵad ngaimane adinapun bubuḵḵudon de krosna ya maḵasaganae ampaḵaḻam ḵan matoy ta mitun-ud ḵan saḵon, adipun mibelang aḵ disipuluḵ.

Mark 15:20

Inabusda ḵad inang-angyag, ḵinaanda dilaage langgoyode insilupda woḵ iggada ḵuwana pagaye silup. Pun innaḻada ta umoyda ipattoḻ atte kros.

John 19:17

Pun innaḻan da suḻdadu'ḵ Jesus woḵ intallayda si lasinna'd Jerusalem we impabuḵudda ḵan siya de krosna inggana'ḵ dummatongda si “Lugar ni Battuḵag” we ngannonda Golgotha atte Hinebrew.

Matthew 5:41

Ḵad ngaimane angipatut ampabuḵud si odonna'ḵ sinkilomitro, pamane buḵudom aḵ duwae kilomitro.