Mark 14:54 - Sa Ugud Apudyus

⁵⁴ Naktay aḵ Peter inggana'ḵ dummatong si paway ni boḻoy ni ḵangatuwane padi. Pun naḵatuḵdu'tta guwaḻda woḵ naḵaanidu.

Mark 14:54 Referans Kwoze

John 18:18

Gapu ḵad ta antungnin, nan-apuy da sammilu ya da guwaḻda woḵ sisiḵaddae nan-anidu. Summisiḵad os aḵ Peter woḵ naḵaanidu.

Matthew 26:3

Sa sadi ye timpu, nandatdatong da papangat da papadi ya da pallakayon da Judyu si boḻoy Caiaphas we ḵangatuwane padi.

John 18:25

Sisiḵad ḵad aḵ Simon Peter we an-anidu ḵananda, “Daḵampun ḵad ain aḵ siḵa osa'tta disipulun Jesus?” Pinuḵlitan os Peter woḵ ḵanana, “Daḵanaḵpun.”

Luke 22:44

Ḵad gapu'tte ummamdane ampaḵaḻamana, pummangoge nalluwaḻu woḵ sa lingotna isunan daḻae nantottod si luta.

Mark 14:38

Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya da long-agyu.”

Matthew 26:58

Yaḵon aḵ Peter ḵad, naktay ḵan dida'ḵ panose ummun-unud inggana'ḵ naḵtad si paway ni ḵangatuwane padi. Pun naḵatuḵdu'tta guwaḻda ta ilana nu ngai maḵwa ḵan Jesus.

Mark 14:66

Aḵ Peter ḵad, sissiya'tte paway woḵ lummaus babaḻasange sammilun ni ḵangatuwane padi.

Luke 22:54

Pun dinoḵmaanda'ḵ Jesus woḵ iyoyda si boḻoy ni ḵangatuwane padi. Aḵ Peter ḵad, nituntun-ude naktay ḵan dida'ḵ panos.