Mark 14:36 - Sa Ugud Apudyus

³⁶ Ḵanana, “Ama, lamognu ḵoon da ngaiman, nu maḵwa oḵyan, iligsim saḵon si annae ampaḵapaḵaḻamaḵ. Yaḵon daḵampun si pinioḵ maḵwa yaḵon sa piniom.”

Mark 14:36 Referans Kwoze

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

2 Timothy 2:13

Nu aditaḵupun mataḻgodan ḵan siya, sissiyae mataḻgodan ḵan ditaḵu te adipun maḵwae adina ituttuwa da imbagana.”

John 12:27

Pinagatupan Jesus woḵ ḵanana, “Sinsadi, an-aalimuunaḵ. Ngai nin ay ibagaḵ? Ama, iligsiyaḵ sinsadi ye oras. Naid te siya ummaliyaḵ ḵasapuḻane ampaḵaḻamaḵ sinsadi ye oras.”

Titus 1:2

Ḵooḵ da sadi ta namnamaonda biyag aḵ inggana. Aḵ Apudyus adipun paat antultulli, inkarina sadi ye biyag atte daan ni lubung maḵwaan.

Philippians 2:8

ya gapu'tte nambalinana'ḵ tagu, impakumbabana long-agna'tte tummuttuwaana ḵan Apudyus, taḵon ay nu siya gapun ni matoyana, taḵon ay os nu ḵaog-ogyat ya ḵababbain natoyanae nipattoḻ atte kros.

John 18:11

Ḵanan Jesus ḵan Peter, “Ipaulim ispadam si bolbolloyna. Ḵanampun ḵamman nu adiḵ maanusan ampaḵaḻamane inḵoddong Amaḵ?”

Mark 10:27

Intotollong Jesus dida woḵ ḵanana, “Naippun paat tagu'ḵ ḵallamog. Yaḵon ḵan Apudyus, lamogna ḵoon da ngaiman.”

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

Matthew 26:39

Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

Matthew 6:9

Ḵaḵna inonyu we alluwaḻu. “ ‘Amani ye awad ad langit, madayawḵa oḵyane nasantuwane Apudyus.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Mark 14:37

Nipauli ḵad atte nanenana'tta tuḻu we disipuluna, indasana didae masusuyop. Pun ḵanana ḵan Peter, “Simon, masusuyopḵa ḵamman? Ngaipayu adi maattomane adi masuyop aḵ sin-orasan?

Mark 10:39

Ḵananda, “On! Lamogni.” Ḵanan Jesus ḵan dida, “On, isun ni ampaḵaḻamaḵ ampaḵaḻamanyu. Isuna bos anḵaḵatoyḵu anḵaḵatoyyu.