Mark 13:26 - Sa Ugud Apudyus

²⁶ Ḵad ilanda saḵone Abeng Di Tagu we umali ye midoga'tta libuu. Ḵad ilanda bos ummamdane ḵabooḻaḵ ḵan ḵinapaddan ni ḵinaapudyusḵu.

Mark 13:26 Referans Kwoze

Revelation 1:7

Sosomḵonyu anna, umali'ḵ Jesus we midoga'tta libuu ḵad ilan da losane tagu. Taḵon ay da nanuy-uḵ ḵan siya, ilanda ya da losane tagu sina'd luta sin-iibilda gapu'tte ogyatda. Tuttuwa da anna. Amen.

Mark 14:62

Ḵanan Jesus, “On, saḵon. Sa umali ye aḻgaw, ilanyu saḵone Abeng Di Tagu we tutuḵdu'tte madawinan Apudyus we maḵabooḻ. Ḵad asiyu bos ilan umaliyaḵe mibuḻun atta libuu'd langit.”

Matthew 24:30

Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 25:31

Pun pinagatupan Jesus woḵ ḵanana, “Nu umaliyaḵe Abeng Di Tagu, maila nakaskasdaawe ḵinaapudyusḵu ya buḻunḵu da adu we anghel ḵad tumuḵduwaḵ atte tronoḵe an-ari.

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

1 Thessalonians 4:16

Te aḵ Apu Jesus we mismu, dumoḻae maḻpu'd langite iyipḵawna bilin ḵad midisan poḵaw ni ḵangatuwane anghel ya guminga tangguyub Apudyus. Ḵad umuna umuli da natoye namati ḵan Kristu.

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Matthew 16:17

Pun ḵanan Jesus, “Pianḵa ḵammos, Simon we abeng Jonah te daḵampun aḵ tagu nangipaigammu ḵan siḵa nu adi aḵ Amaḵ we awad ad langit.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Mark 9:1

Pinagatupan Jesus woḵ ḵanana, “Ibagaḵ ḵan diḵayu ḵatuttuwaan, awad da udum ḵan diḵayu we adidapun yan matoy inggana'ḵ ilanda ḵabooḻan Apudyus si ampangatana.”

Luke 21:27

Ḵad ilanda saḵone Abeng Di Tagu we umali ye mibuḻun atta libuu. Ḵad ilanda bos ummamdane ḵabooḻaḵ ḵan ummamdane ḵinapaddan ni ḵinaapudyusḵu.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.