Mark 13:10 - Sa Ugud Apudyus

¹⁰ Ḵasapuḻane umuna yan mibaga Ambaḻu we Damag atta losane ili'tte luta asiyot anungus ni lubung.

Mark 13:10 Referans Kwoze

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Colossians 1:23

Yaḵon ḵasapuḻane pagatupanyu we amapigsa'tta pammatiyu ya adiyu ipyode mayugayug namnamayu we ginanabyu si nandongoḻanyu si Ambaḻu we Damag we niwaḻagawag si intero we lubung. Ḵad sana gapunae saḵon aḵ Paul, nambalinaḵ aḵ anserbi ḵan Kristu.

Revelation 14:6

Pun innilaḵ osae anghel we antattayap ad ngatu. Inninggaw ḵan siya Ambaḻu we Damag we sa ippun ambaliwana'ḵ ingganae umoyna iwaḻagawag atta tagu'tta losane ili ya da losane tribu ya da tagu we nansabasabali gingada ḵan naḻpuwanda.

Colossians 1:6

Ḵad sa annae Ambaḻu we Damag we dingngoḻyu, annae miwaḻagawag si intero we lubung. Pun da nandongoḻ naila bungana'tta nantataguda. Ḵaḵna isun ni naḵwa ḵan diḵayu si dingngoḻyu ya naawatanyu mipanggob si ḵatuttuwaan ni ḵinabaḻun Apudyus.

Romans 10:18

Yaḵon imusoḵ ud ḵan diḵayu, tuttuwa ḵad aine adimpun da Judyu dingngoḻ mipanggob ḵan Kristu? Dingngoḻda te ḵanan ni nigili ye Ugud Apudyus, “Niwaḻagawag atta ḵinailin di ili ya nandinongoḻ atta losane ili si annae lubung.”

Mark 16:15

Pun ḵanana ḵan dida, “Inḵayu'tte losane lubung ta iwaḻagawagyu Ambaḻu we Damag atta losane tagu.

Romans 15:19

gapu'tta nakaskasdaawe sinyal ya da miraculu ya mipagapu si ḵabooḻan ni Ispiritu Santu. Misaḻad ad Jerusalem inggana'd Illyricum iwwaḻagawagḵu Ambaḻu we Damag mipanggob ḵan Kristu.

Romans 1:8

Sa umunae pioḵ ibaga, anggappiyaaḵ ḵan Apudyus mipagapu ḵan Jesu Kristu si mipanggob ḵan diḵayu losan. Te nandinongoḻ pammatiyu si intero we lubung.

Matthew 12:41

Da iNineveh bos, maḵataḵdogda'tta tagu we matattagu sinsadi'tte sadi ye aḻgaw si anguwisan Apudyus atta tagu. Sa nambabawiyan da tagu'd Nineveh amanoḵnoḵe dusaon Apudyus diḵayu. Te dida ḵad, imbabawida da basuḻda ya iyyagaydae nangwa si dingngoḻda iwwaḻagawag Profeta Jonah ḵan dida. Yaḵon diḵayu ḵad, taḵon ay nu annaaḵ sinsadi ye nangatngatu nu aḵ Profeta Jonah, adiyupun tuttuwaon da tuttuduḵ.