Mark 12:27 - Sa Ugud Apudyus

²⁷ Sa piona ugudon, siya Apudyus da matattagu, daḵampun aḵ Apudyus da natoy. Diḵayu we adipun amati'tte umuliyan da natoy, gattoḵe nankamali ḵayu!”

Mark 12:27 Referans Kwoze

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

Mark 12:24

Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana.

Hebrews 3:10

Pun sadi gapun ni summang-aḵ atta danaḵḵoḻyu woḵ ḵanaḵ, Nan-awidanaḵ ya adiyupun os tinuttuwa da bilinḵu.

Matthew 22:29

Ḵanan Jesus we summongbat, “Nankamali ḵayu te adiyupun naawatan nigili ye Ugud Apudyus ya sa ḵabooḻana.

Matthew 22:32

Ḵanana, ‘Saḵon aḵ Apudyus we Apudyus da Abraham, Isaac ya aḵ Jacob.’ Sa piona ugudon, siya Apudyus da matattagu, daḵampun aḵ Apudyus da natoy.”

Luke 20:38

Aḵ Apudyus ḵad, siya Apudyus da matattagu, daḵampun aḵ Apudyus da natoy te da losane amati, matattaguda si antotollongna.”