Mark 12:1 - Sa Ugud Apudyus

¹ Impanin Jesus we nan-ug-uggud woḵ ḵanana, “Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da angguwaḻda. Pun impatangḵonna'tta udume gumagammole woḵ ummoy atte adayu we ili.

Mark 12:1 Referans Kwoze

Mark 13:34

Mipaniyaḵ atte ansagsaganae umoy si adayu we ili. Ipaayyuwanna boḻoyna'tta sammiluna, ḵad ittona biyang ni sin-ossaossa'tta ustu we ḵewaaḻda. Ḵad bilinona angguwaḻda ta adi masuyop.

Mark 4:2

Nantuttudu ḵan dida'tta adu we banage impanina woḵ ḵanana,

Matthew 25:14

Pinagatupan os Jesus woḵ ḵanana, “Sa ampangatan Apudyus mipani si baḵnange ansagsaganae umoy ambaat si adayu we ili. Inayagana da sammiluna woḵ intaḻgodna da ḵuḵuwana ḵan dida.

Acts 7:38

Inninggaw si gimung da danaḵḵoḻ taḵu si bumbummaawe sa naḵaugudan ni anghel ḵan siya'tte beleg Sinai woḵ inawatna matattagu we Ugud Apudyus ta ittona ḵan ditaḵu.

Luke 19:12

Pun ḵanana, “Inninggaw nangatu we tagu we ummoy atte adayu we ili ta umoyna awaton nadutuḵana'ḵ an-ari ya mipauli.

Luke 15:13

“Naḻaḵpus ḵad sin-aḵitane aḻgaw, ingnginan ni udidi da losane billayna woḵ ummoy atte adayu we ili. Dummatong ḵad sidi, ginastuna pilaḵna'tta gaggatunge antatagu.

Luke 8:10

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon da udume tagu ipaniḵe antuttudu ḵan dida ta taḵon ay nu iillanda da banage ḵooḵ, adidapun maḵaimatun ya taḵon ay nu dodongngonda da banage ibagaḵ, adidapun maawatan.

Matthew 21:28

Pun inug-uggud Jesus annae pani woḵ ḵanana ḵan dida, “Ngai ḵasomsomḵanyu'tte mipanggob si anna? Inninggaw tagu we duwa da abengnae laḻaḵi. Sin-aḻgaw ḵad ḵanana si panguḻu, ‘Abeng, inḵa anḵewaaḻ atte mumuḻḻaan atta de grape.’

Luke 22:9

Ḵananda, “Dinu piome inḵani angisaganaan?”

Matthew 13:3

Pun imbagana ḵan dida da adu we banage impanina, ḵanana, “Inninggaw tagu we ummoy nawwagawag atta buḵoḻ.

Matthew 21:33

Pun ḵanan Jesus, “Dongngonyu osae pani. Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da guwaḻda. Pun impatangḵonna'tta udume gumagammole woḵ ummoy atte adayu we ili.

Matthew 21:34

“Dummatong ḵad timpu we ambuḻasanda'tta de grape, imbuun ni sinḵuwa da sammiluna'ḵ umoy angaḻa si billayna.

Mark 3:23

Pune sadi, inayagan Jesus dida woḵ ḵananae nangipani, “Ngai ḵad ain inon Satan we amaḻyaw os atte long-agna?

Mark 11:33

Pun ḵananda ḵan Jesus, “Naippun igammuni.” Ḵanan Jesus, “Nu ḵaḵnat, umadiḵ os ibaga nu ngai nangitod si ḵaḻabbongaḵe angwa'tta sana.”