Mark 11:24 - Sa Ugud Apudyus

²⁴ Pun ngaimane ḵodawonyu ḵan Apudyus, aaddi ye ittona nu patiyonyu.

Mark 11:24 Referans Kwoze

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.

Matthew 18:19

“Ibagaḵ os ḵan diḵayu, nu awad antaddayan da duwa ḵan diḵayu sina'd luta mipanggob si ḵodawonyu ḵan Amaḵ ad langit, maatod ḵan diḵayu da ḵodawonyu.

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

John 14:13

Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng.

Mark 11:25

Ḵad nu alluwaḻu ḵayu ya awad sasangngaanyu'tta asintataguyu te naḵabasuḻda ḵan diḵayu, pakawanonyu ta aḵ Apudyus we Amayu'd langit pakawanona bos da basuḻyu.”

1 Corinthians 14:13

Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat.