Mark 10:52 - Sa Ugud Apudyus

⁵² Ḵanan Jesus, “Inḵan! Gapu'tte pammatim ḵan saḵon, maḵailaḵa!” Pun daguse naḵaila woḵ nitun-ud ḵan siya.

Mark 10:52 Referans Kwoze

Matthew 9:22

Nantawili ḵad aḵ Jesus, innilana bubai woḵ ḵanana, “Abengḵu, papigsaom somsomoḵnu. Gapu'tte pammatim ḵan saḵon, bummaḻuḵa.” Pune sadi, daguse bummaḻu.

Luke 7:50

Ḵanan Jesus atte bubai, “Sa pammatim gapun ni mataguwam. Inḵan lumin-awa somsomoḵnu!”

Mark 8:25

Pun impigwan Jesus iyyappad imana'tta atan ni naḵuḻap. Nandiyat ḵad ḵasin, maḵaila te amo pummadda ilana.

Mark 5:34

Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu ḵad adipun ogon mipauli saḵitnu.”

John 9:32

Inggan ni lapun ni annae lubung, naippun paat dingngoḻ taḵu'ḵ naniyat atta atan ni nibuḵnage naḵuḻap.

Matthew 15:28

Ḵanan Jesus, “Bubai, ampigsa pammatim! Ḵad gapu'tte sadi, maatod de ḵindawnu.” Pun sa nangibag-ana, daguse lummawa aḻan si abengnae babaḻasang.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Mark 1:31

Ummadani woḵ innonnana imana ta badanganae bumangon. Pune sadi, daguse naḵaan atungna woḵ paḵanana da Jesus.

Matthew 21:14

Pun ummoy da udume naḵuḻap ya da udume napilaye tagu ḵan Jesus si paway ni templo woḵ ḵinaanna da saḵitda.

Matthew 12:22

Naabus ḵad, indatongda ḵan Jesus naḵuḻap ya naumoḻ te naaḻanan. Pinaḻyawna ḵad aḻan, naḵaginga ḵan nadiyat atana.

John 9:39

Ḵanan Jesus, “Ummaliyaḵ si annae lubung ta ḵuwisoḵ da tagu, ta da naḵuḻap, ḵaanoḵ da ḵuḻapda. Yaḵon da ḵanandae maḵaila, sissiyae naḵuḻapda.”

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Luke 9:48

Ḵanana ḵan dida “Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon. Ngaimane ḵababaan ḵan diḵayu losan, siya ḵangatuwan.”

Matthew 8:3

Indawawan Jesus imana pun inappadana woḵ ḵanana, “On, Pioḵ! Maḵaan saḵitnu!” Pun daguse naḵaan saḵitna.