Mark 10:30 - Sa Ugud Apudyus

³⁰ awatona si matattaguwana anginsinggasute ḵaadu nu da tinenana. Maatod da naadu we boḻoy, susunud, ina, abeng ya luta. Ḵad ampaḵaḻam os yaḵon sa umali ye timpu, maatod ḵan siya biyag aḵ inggana.

Mark 10:30 Referans Kwoze

Philippians 3:8

Ḵad daḵampun aḵ abus sadi, ibelangḵu we ippun pulus anun da losan nu iyisuḵ si nangigammuwaḵ ḵan Jesu Kristu we Apuḵ te napatpatog aḵ adayu nu da ngaiman. Para ḵan siya, imballuḵ losan da sadi ya ibelangḵu we dimoḵda ta maḵwae ganaboḵ maḵabuḻbuḻunaḵ ḵan Kristu,

Luke 18:30

ad-adu'ḵ adayu itton Apudyus ḵan siya si annae biyag nu sa tinenana. Sa umali bose timpu, maittan os atte biyag aḵ inggana.”

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

James 5:11

Ḵanan taḵu we pian da tagu we nangiyattom. Dingngoḻyu ḵinaanus Job ya innilayu ambaḻu we panggob Apudyus ḵan siya si anungusna. Te aḵ Apudyus, impailana ḵan siya ummamdane ḵadaguna ya ḵinaanggomna.

Revelation 3:18

Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.

1 Timothy 6:6

Tuttuwae daḵoḻ maganab ni tagu we matagu si naapudyusane biyag nu mat-op atta awad ḵan siya.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

1 John 3:1

Somsomḵon taḵu ḵad mipanggob si ḵapatog ni ayat Apudyus we Ama ḵan ditaḵu te gapu'tte sanae nakaskasdaawe ayat, imbelangna ditaḵu'ḵ abengna ḵad tuttuwae abengna ditaḵu. Yaḵon da adipun amati, adidapun bigbigone abeng Apudyus ditaḵu te adidapun os binigbig aḵ Apudyus we Ama taḵu.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Romans 5:3

Daḵampun aḵ abus da sadi'ḵ allaylaydan taḵu yaḵon allaylayad taḵu'tta ampaḵaḻaman taḵu te igammu taḵu we sa ampaḵaḻaman siya ibungana ḵan ditaḵu ḵinaattom.

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

John 10:23

Aḵ Jesus ḵad anadtaddaḻan si Sawang Solomon atte templo.

Matthew 12:32

Ḵad ngaimane an-ugud aḵ lawweng si mipanggob ḵan saḵone Abeng Di Tagu, maḵwae pakawanon Apudyus. Yaḵon sa angamsew atte mipanggob si Ispiritu Santu, adipun maḵwae pakawanon Apudyus sinsadi ya sa umali ye timpu.”

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.

Matthew 13:8

Da udum ḵade buḵoḻ naottagda si alluta, pun tummubuda woḵ namungada. Da udume buḵoḻ, namungada'ḵ singgagasut, da udum sin-oonompuḻu ya da udum sintuḵlumpuḻu.”

Acts 14:22

ta papigsaonda pammatin da namati ya soḻgagonda dida ta popotpotanda da pammatida. Ḵananda, “Ḵasapuḻane adu ampaḵaḻaman taḵu si midog-an taḵu si ampangatan Apudyus.”

1 Timothy 4:8

Awad de patogna nu paḵosdoḻon taḵu da long-ag taḵu we angwa'tta ḵoon taḵu. Yaḵon simbumaḻu nu paḵosdoḻon taḵu naapudyusane biyag te sadi gattoḵe naḻpuwan ni maganab taḵu si biyag taḵu sinsadi ya nu awad taḵu pos pagay ad langit.