Mark 10:29 - Sa Ugud Apudyus

²⁹ Ḵanan Jesus, “Ibagaḵ ḵan diḵayu ḵatuttuwaan, ngaimane tenana boḻoyna, susunudna, amana, inana, da abengna ya da lutana gapu'tte angunudana ḵan saḵon ya sa angibagabagaana'tte Ambaḻu we Damag,

Mark 10:29 Referans Kwoze

1 Corinthians 9:23

Ḵooḵ losan da sana gapu'tte Ambaḻu we Damag ḵad maḵabillayaḵ atta bindisyune itton Apudyus ḵan dida.

Mark 8:35

Te ngaimane angipatog atte long-agna, matoy. Yaḵon sa angiḵatoy si pammatina ḵan saḵon ya gapu'tte Ambaḻu we Damag, itton Apudyus ḵan siya biyag aḵ inggana.

Revelation 2:3

Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Matthew 6:33

Yaḵon umunae ipatpatogyu ampangatan Apudyus ya unudonyu maun-unane antatagu we piniona woḵ ittona da ḵasapuḻanyu.

Matthew 19:29

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Luke 18:29

Ḵanan Jesus ḵan dida, “Ibagaḵ ḵan diḵayu ḵatuttuwaan, ngaimane tenana boḻoyna, asawana, susunudna, amana ḵan inana ya da abengna gapu si ampangatan Apudyus,