Mark 10:27 - Sa Ugud Apudyus

²⁷ Intotollong Jesus dida woḵ ḵanana, “Naippun paat tagu'ḵ ḵallamog. Yaḵon ḵan Apudyus, lamogna ḵoon da ngaiman.”

Mark 10:27 Referans Kwoze

Matthew 19:26

Yaḵon sa nangitotollongan Jesus ḵan dida ḵanana, “Da tagu ḵad, naippun paat ḵallamog. Yaḵon ḵan Apudyus, lamogna ḵoon da ngaiman.”

Luke 1:37

Te aḵ Apudyus lamogna ḵoon da ngaiman!”

Luke 18:27

Ḵanan Jesus we summongbat, “Da adimpun da tagu lamog ḵoon, lamog Apudyus ḵoon.”

Hebrews 11:19

Te inigammun Abraham we lamog Apudyus taguwon da matoy. Pun tuttuwae isun di natoy aḵ Isaac te gongaton oḵyan Abraham yaḵon inggimaun Apudyus.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Mark 10:26

Pun amo natataag da disipuluna woḵ ḵananda, “Pun ngai da maḵwae matagu nu?”