Mark 10:23 - Sa Ugud Apudyus

²³ Pun nallangḻanga'ḵ Jesus atta disipuluna woḵ ḵanana, “Anḵamnut midog-an da babaḵnang si ampangatan Apudyus.”

Mark 10:23 Referans Kwoze

1 Corinthians 1:26

Susunudḵu ḵan Kristu, somsomḵonyu ḵad ḵinatataguyu'tte namiliyan Apudyus ḵan ditaḵu we namati te dungmu ḵan ditaḵu da nalaing, maḵabooḻ, da nangatu saadda sigun si nainlubungane ḵasasaad.

James 2:5

Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

Luke 18:24

Innilan ḵad Jesus we andadauy ḵanana, “Anḵamnut midog-an da babaḵnang atte ampangatan Apudyus.

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Mark 5:32

Aḵ Jesus ḵad, nallangḻanga ta ilana nu ngai nandoḵ si silupna.

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Mark 10:22

Dingngoḻna ḵad imbagan Jesus, nadismaya woḵ ummoyone andadauy te baḵnabaḵnang.