Mark 10:22 - Sa Ugud Apudyus

²² Dingngoḻna ḵad imbagan Jesus, nadismaya woḵ ummoyone andadauy te baḵnabaḵnang.

Mark 10:22 Referans Kwoze

Luke 12:15

Ḵanana'tta losane tagu, “Ummanyu ta adi ḵayu masulisug ya maḵabasuḻ si ḵamommod atta ḵuḵuwan da buḻunyu. Te sa biyag daḵampun aḵ mibatay atta ḵuḵuwa, taḵon ay nu ngai ḵinabaḵnang taḵu.”

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

Ephesians 5:5

Te inigammuyu we naippun maḵadagdagas ya angwa'tta ḵababbain aḵ midoga si ampangatan Kristu ya aḵ Apudyus. Isuna bos da ḵamommodona ḵuwan da udum te sa ḵamommodna, siya isun di apudyusna.

2 Corinthians 7:10

Te sa dadauy da tagu we mas-oman Apudyus, ambanag si ambabawiyanda'tta basuḻda ya agaydae angwa ta siya angidaḻan si anaguwan Apudyus ḵan dida si dusan da basuḻ. Naippun dadauy si sadi! Yaḵon nu sa tagu we adipun amati angiḵna si dadauye adipun ambabawi, ambanag si dusan ni ḵatoy.

Luke 18:23

Dingngoḻna ḵad imbagan Jesus, amod de dadauyna te amod de binaḵnangna.

Matthew 19:22

Dingngoḻ ḵad ni sanae laḻaḵi imbagan Jesus, ummoyone andadauy te baḵnabaḵnang.

Matthew 13:22

Da naottag atte laslasi, isuda da tagu we dingngoḻda Ugud Apudyus. Yaḵon gapu'tta binimbinsawda'tta biyagda si annae lubung ya piondae bumaḵnang, adidapun tungaguwon ugude dingngoḻda ḵad adipun mabaliwan da ugalida.

Mark 6:26

Dingngoḻ ḵad ni Ari, amod pagay babawina yaḵon gapu ta insapatana'tte sinagung da adu we naayagan, mabaine adi angituttuwa'tte inkarina ḵan siya.

Matthew 27:3

Aḵ Judas we nangituyuḵ ḵan Jesus, inigammuna ḵade naḵoddongan aḵ Jesus we matoy, nandadauli'tte ḵingwana. Pun ummoyna impauli pilaḵ atta papangat da papadi ya da pallakayon da Judyu.

Mark 6:20

te maḵimut aḵ Herod ḵan John woḵ sinaḻaḵnibana. Te inigammunae naun-unan ḵan nanserbi ḵan Apudyus ḵad pionae dongngon da ibagan John taḵon ay nasaliduduwan atta dingngoḻna.

Mark 10:21

Naayatan aḵ Jesus we nangitotollong ḵan siya woḵ ḵanana, “Os-ossaan nangkurangam. Inḵa ingina da ḵuḵuwam ya ittom bayadda'tta ḵapus woḵ awad de binaḵnangnu we indulin Apudyus ad langit. Ḵad umaliḵa, tun-udonaḵ.”

Mark 10:23

Pun nallangḻanga'ḵ Jesus atta disipuluna woḵ ḵanana, “Anḵamnut midog-an da babaḵnang si ampangatan Apudyus.”