Mark 10:14 - Sa Ugud Apudyus

¹⁴ Yaḵon summanga'ḵ Jesus woḵ ḵanana, “Iyunudyu we umali da abeng ḵan saḵon. Adiyu paadiyon dida te da tagu we isuda da midoga'tte ampangatan Apudyus.

Mark 10:14 Referans Kwoze

Matthew 19:14

Yaḵon ḵanan Jesus ḵan dida, “Iyunudyu we umali da abeng ḵan saḵon. Adiyu paadiyon dida te da tagu we isuda dida midogada'tte ampangatan Apudyus.”

Matthew 18:10

Pinagatupan Jesus woḵ ḵanana, “Ilanyu ta adiyu am-amsewon ngaiman atta sanae amati ḵan saḵon ya ibelang da udum aḵ nababa te da anghel we anguguwaḻda ḵan dida, patilayune awadda ḵan Amaḵ ad langit.

Matthew 18:4

Te ngaimane ipakumbabana long-agnae isun ni annae abeng, siya ḵangatuwan si ampangatan Apudyus.

1 Peter 2:2

Isun da uttinge pasig mauuwaw atte susu, pasig ḵayu oḵyan mauuwaw atte naispirituwane gatase sa Ugud Apudyus ta pumigsa ḵayu si pammati inggana'ḵ mituttuwa mataguwanyu.

2 Timothy 3:15

Sosomkome inggan ni ḵaban-ognu, inigammum da nigili ye Ugud Apudyus we siya nituttudu ḵan siḵa mipanggob si mataguwan gapu si pammatim ḵan Jesu Kristu.

Revelation 14:5

Adidapun paat nantultulli ya ippun ḵadellawanda.

2 Timothy 1:5

Adiḵpun os maliwatan gattoḵe pammatim, isun ni pammatin Lois we apum ya aḵ Eunice we inam ḵad aaddi ye siya annat ḵan siḵa sinsadi.

Ephesians 4:26

Nu sumanga ḵayu, adiyu iyunude siya bumasuḻanyu. Ḵad adiyu iyaḻ-aḻgawe sumanga,

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

1 Corinthians 7:14

Te sa asawae adipun namati itotoḵḵon Apudyus gapu si pammatin asawana. Te nu daḵampun aḵ tuttuwa sana, adimpun oḵyan Apudyus ibelang da abengda'ḵ pummoḻḵas yaḵon imbelang Apudyus dida'ḵ pummoḻḵas.

Romans 11:28

Gapu ta adimpun da Judyu pinati Ambaḻu we Damag, nambalinda'ḵ ḵabusuḻ Apudyus gapu ḵan diḵayu we Gentil. Yaḵon gapu ta pinilin Apudyus dida, ay-ayatona dida gapu'tte inkarina'tta danaḵḵoḻda.

Romans 11:16

Mipani da Judyu atte tinapay. Te igammu taḵu we nu midatun ummunae partin ni tinapay ḵan Apudyus, da udum ose partin ni tinapay nibelang aḵ ḵuwan Apudyus. Mipani bos atte ḵayu te nu ḵuwan Apudyus lamutna, ḵuwana bos da pangana.

Acts 3:25

Diḵayu we ganaḵ da profetan Apudyus nidoga ḵayu si intuḻagna'tta danaḵḵoḻyu. Ḵanan Apudyus ḵan Abraham, ‘Mipagapu'tta ganaḵnu, mabindisyunan da losane tagu'tta losane ili si luta.’

Acts 2:39

Te sa annae kari para ḵan diḵayu ya da aabengyu ya da losane awad atta adayu we ili ya da losane pinilin Apudyus.”

Mark 8:33

Yaḵon nansagung aḵ Jesus atta disipuluna woḵ ḵananae summanga ḵan Peter, “Ḵumassadḵa Satan! Te sa annat si somsomoḵnu daḵampun si pinion Apudyus yaḵon sa pion da tagu.”

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Matthew 5:10

Pian da ampaḵaḻam gapu'tte maun-unanda te midogada'tte ampangatan Apudyus.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.