Mark 1:41 - Sa Ugud Apudyus

⁴¹ Aḵ Jesus ḵad, ḵinadaguwana woḵ indawawana imana woḵ inappadana pun ḵanana, “On, pioḵ! Maḵaan saḵitnu!”

Mark 1:41 Referans Kwoze

Matthew 9:36

Innilan ḵad Jesus da amode tagu, ḵinadaguwana dida te ampaḵaḻamda ya naippun ampabadangandae isudan karnero we ippun anangḵon ḵan dida.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Hebrews 2:17

Pun ḵasapuḻane miyiissu ḵinatataguna ḵan ditaḵu we susunudna. Ḵad sadi inonae ambalin aḵ ḵangatuwane padi ye ḵumadagu ya mataḻgodane anserserbi ḵan Apudyus ya nangidatun si mismu we biyagna si natoyana ta mapakawan da basuḻ da tagu.

Mark 6:34

Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida te isudan karnero we ippun anangḵon ḵan dida. Pune sadi, insaḻadnae nantuttudu'tta adu we banag ḵan dida.

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Mark 5:41

Pune sadi, innonnana imana woḵ ḵanana'tte ugudda, “Talitha koum.” Sa piona ugudon, “Babaḻasang, bumangonḵa.”

Mark 4:39

Nabanangon woḵ ḵananae namilin atte bibbid, “Guminoḵḵa!” Ḵanana bos atta tupiyaḵ, “Guminoḵ ḵayu!” Pun gumminoḵ bibbid ya da tupiyaḵ. Pun bummaḻu taḻun.

Mark 1:40

Sin-aḻgawan ḵad, inninggaw osae laḻaḵi ye naleprosy ye ummoy ḵan Jesus woḵ nanalluḵu nandagdagu, ḵanana, “Nu piom, lamognu ḵaanon saḵitḵu.”

Mark 1:42

Pun daguse naḵaan saḵitna.