Mark 1:24 - Sa Ugud Apudyus

²⁴ “Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Mark 1:24 Referans Kwoze

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

James 2:19

Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

Luke 4:34

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

Acts 2:27

Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

Luke 8:28

Ampaḵapaḵaḻamon da aḻan ya taḵon ay nu naguwaḻdaan ḵan naḵawadan da imana ya da suḵina, gosatona. Pinaawid os da aḻan atte bumbummaaw. Pun innilana ḵad aḵ Jesus, napapḵaaw woḵ nanalluḵu ḵan siya. Ḵananae nangidangsoḻ, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus. Ḵadaguwanaḵ ḵappos ta adim saḵon dusaon!” Te innilan ḵad Jesus, binilinna da aḻan ta lumawada.

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

John 6:69

Namati ḵani ḵan iniiggammuni ye siḵa nasantuwane imbuun Apudyus.”

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

Acts 24:5

“Te indasanni annae tagu we gugulu te dam-on nanggulu'tta losane Judyu si annae lubung. Siya osa'tta pangat da grupun da mituntun-ud atte iNazareth.

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Luke 24:19

Ḵanan Jesus, “Ngai ḵad ain da naḵwa?” Summongbatda woḵ ḵananda, “Da naḵwa ḵan Jesus we iNazareth. Siya imbelang Apudyus aḵ profetana ya ḵanan da tagu we siya bos maḵabooḻe angituttudu ya angwa'tta nakaskasdaaw.

Luke 8:37

Ḵad da losane naḻpu si saḵubna'd Gerasa, nandagdaguda ḵan Jesus ta tenana ilida te naḵimtanda. Pun nambangka da Jesus ya da disipulunae naḵasaganae umoyon.

Mark 1:23

Pune sadi, inninggaw atte sinagogada laḻaḵi ye naaḻanan woḵ ḵananae nantuḵituḵing,

Mark 1:25

Pune sadi binilin Jesus aḻan woḵ ḵanana, “Guminoḵḵa, ḵumunudḵa ḵan siya!”

Mark 10:47

Dingngoḻna ḵade awad aḵ Jesus we iNazareth, napapḵaaw woḵ ḵanana, “Jesus we ganaḵ Ari David, ḵadaguwanaḵ ḵappos!”

Mark 14:67

Innilana ḵad aḵ Peter we nan-aannidu, ḵanana, “Siḵa osa'tta buḻun Jesus we iNazareth.”

Mark 16:6

Ḵanana ḵan dida, “Adi ḵayu maḵimut. Igammuḵe singsingtonyu'ḵ Jesus we iNazareth we sa nipattoḻ atte kros. Naippun sina te tinagun Apudyus ḵasin. Ilanyu ḵad, annaya inninggawana.

1 John 2:20

Yaḵon awad ḵan diḵayu Ispiritu Santu we innatod Kristu, siya gapunae igammuyu losan ḵatuttuwaan.